Բրիտանացի նախարարը դժգոհել է, որ Ռուսաստանն Արեւմուտքի «վճռականությունն» Աֆղանստանում որպես թուլություն է ընկալում
Իրավիճակն Աֆղանստանում ԱՄՆ-ի քսանամյա պատերազմից հետո նշանակում է, որ Արեւմուտքի վճռականությունն այժմ որպես թուլություն է ընկալվում այնպիսի խոշոր հակառակորդների կողմից, ինչպիսին Ռուսաստանն է, հայտարարել է Մեծ Բրիտանիայի պաշտպանության նախարար Բեն Ուոլեսը, փոխանցում է Reuters-ը:
Պատերազմն Աֆղանստանում մի քանի հարյուր հազար մարդու կյանք եւ տրիլիոնավոր դոլարներ խլեց, սակայն այժմ թալիբները կրկին իշխանության են եկել, եւ Արեւմուտքի առաջատար ուժերը փորձում են դուրս բերել իրենց դիվանագետներին եւ աֆղանցի աշխատակիցներին Քաբուլի օդանավակայանից:
«Ինձ համար ճիշտ չէ, որ մեզ մոտ այժմ մի աշխարհակարգ է, որում մեր հակառակորդների կողմից վճռականությունը` Արեւմուտքի վճռականությունը, որպես թուլություն է ընկալվում»,- ասել է Ուոլեսը BBC հեռուստաալիքին:
«Սա այն է, ինչը մեզ բոլորիս պետք է մտահոգի. եթե Արեւմուտքը վճռականություն չունենա եւ պառակտվի, ապա մեր հակառակորդները` Ռուսաստանի նման, դա հուսադրող կհամարեն»,- ասել է նա:
Մեծ Բրիտանիան վախենում է թալիբների վերադարձից, իսկ արեւմուտքի քաոսային հեռացումից առաջացած վակուումը թույլ կտա «Ալ-Քաիդա»-ի մարտիկներին ամրապնդվել Աֆղանստանում 2001 թվականի սեպտեմբերի 11-ի ԱՄՆ-ի վրա հարձակումներից ընդամենը 20 տարի անց:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...