Ջո Բայդեն. Քաբուլում քաոսն անխուսափելի էր
Քաբուլում քաոսն անխուսափելի էր: Այս մասին հայտարարել է ԱՄՆ նախագահ Ջո Բայդենը՝ խոսելով Աֆղանստանում տեղի ունեցած վերջին իրադարձությունների մասին, հայտնում է «Ամերիկայի ձայնը»:
Նրա խոսքով` ամերիկյան ստորաբաժանումները տեղակայված են լինելու Քաբուլում, քանի դեռ ԱՄՆ բոլոր քաղաքացիները չեն տարհանվել այնտեղից, նույնիսկ եթե զինվորականները ստիպված լինեն սպասվածից ավելի երկար մնալ Աֆղանստանի` թալիբների վերահսկողության տակ գտնվող մայրաքաղաքում:
Նա հիշեցրել է, որ գարնանը հայտարարել էր, որ Աֆղանստանից ամերիկյան զորամիավորումների դուրսբերման վերջնաժամկետն օգոստոսի 31-ն է: Այնուամենայնիվ, նա խոստովանել է, որ ամերիկացի զինվորները կարող են անհրաժեշտության դեպքում ավելի երկար մնալ երկրում, որպեսզի այնտեղից տարհանեն յուրաքանչյուր ամերիկացու: «Եթե այնտեղ ամերիկացի քաղաքացիները մնան, մենք կմնանք բոլորին դուրս հանելու համար»,- ասել է Բայդենը: Նախագահը չի հստակեցրել, թե որքան ժամանակ կարող է հետաձգվել Աֆղանստանում ամերիկյան ռազմական ներկայությունը:
Թալիբները ներկայումս չեն խանգարում ամերիկացի զինվորականներին Քաբուլի օդանավակայանից մարդկանց տարհանման գործընթացում: Այնուամենայնիվ, գրոհայինները վերահսկում են մայրաքաղաքի մնացած հատվածը եւ, ըստ էության, կարող են թույլ տալ կամ արգելել մուտքն օդանավակայան, իսկ օտարերկրյա զինվորականները սահմանափակված է իրենց վերահսկած օդանավակայանից դուրս տեղաշարժի հարցում:
Բայդենը հայտարարել է, որ այս իրավիճակից հեշտ ելք չի եղել: «Այն գաղափարը, որ ինչ-որ միջոց կա այս քաոսից դուրս գալու համար. ես չգիտեմ, թե ինչպես է դա հնարավոր»,- ասել է Բայդենը: Նա հավելել է, որ ներկայումս թալիբներն օգնում են ամերիկացի զինվորականներին, որոնց հետ նրանք պայքարել են այսքան տարի` թերեւս օգնելով օտարերկրյա քաղաքացիներին լքել երկիրը: «Նրանք համագործակցում են` թույլ տալով հեռանալ Ամերիկայի քաղաքացիներին, ամերիկյան անձնակազմին, դեսպանատներին եւ այլն»,- ասել է Սպիտակ տան ղեկավարը:
Այնուամենայնիվ, «մենք դժվարություններ ունենք նրանց դուրսբերման հարցում, ովքեր մեզ օգնել են, երբ մենք այնտեղ էինք»,- հավելել է Բայդենը` ըստ երեւույթին նկատի ունենալով աֆղաններին, ովքեր նախկինում աշխատում էին ամերիկացիների եւ այլ երկրների զինծառայողների կողքին եւ այժմ վախենում են թալիբների հաշվեհարդարից:
Նախագահը մերժել է այն քննադատությունը, որ Աֆղանստանից տարհանումն իր վարչակազմի իսկական ձախողումը դարձավ: «Դա հեշտ ընտրություն էր»,- ասել է Բայդենը:
Հարցին, թե ինչ էր զգում նախագահն այն պահին, երբ համացանցում հայտնվեցին խուճապի մատնված աֆղանցիների տեղանյութերը Քաբուլի օդանավակայանից, Ջո Բայդենը պատասխանել է, որ այդ պահին հետեւյալ կերպ էր դատում. «Մենք պետք է իրավիճակը վերահսկողության տակ առնենք, մենք պետք է ավելի արագ գործենք: Մենք պետք է գործենք այնպես, որ կարողանանք վերահսկողության տակ առնել օդանավակայանը: Եվ մենք դա արեցինք»:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները