Թուրքիան բաց է «Թալիբան»-ի հետ համագործակցության համար. Էրդողան
Թուրքիան բաց է «Թալիբանի» հետ համագործակցության համար: Այս մասին հայտարարել է Թուրքիայի նախագահ Ռեջեփ Թայիփ Էրդողանը:
Նրա խոսքով՝ Թուրքիան բարձր է գնահատում թալիբների «չափավոր հայտարարությունները»: «Մենք բաց ենք համագործակցության համար: Նրանք շատ զգայուն են վերաբերել Թուրքիայի հետ հարաբերություններին, և մենք հույս ունենք, որ նրանց զգայունությունը կպահպանվի», - հավելել է Էրդողանը, հաղորդել է Sabah-ը:
«Անկախ նրանից, թե ով է իշխանության ղեկին, մենք հակված ենք աջակցել Աֆղանստանին թե՛ լավ, թե՛ վատ ժամանակներում: Մենք արդեն հայտարարել ենք, որ կարող ենք ընդունել «Թալիբան»-ի ղեկավարներին: Մենք պահպանում ենք այդ վերաբերմունքը նաև այսօր: Թուրքիան պատրաստ է ցանկացած տեսակի համագործակցության՝ հանուն Աֆղանստանի ժողովրդի խաղաղության, այդ երկրում բնակվող մեր թուրք հայրենակիցների բարեկեցության և մեր երկրի շահերի պաշտպանության»:
Նա նաև հայտարարել է, որ Թուրքիան շարունակում է ջանքեր գործադրել Քաբուլի օդանավակայանում անվտանգության պահպանման համար այն բանից հետո, երբ «Թալիբան» շարժման զինյալները վերահսկողություն են հաստատել Աֆղանստանի մայրաքաղաքի վրա: «Այժմ մենք մեր ծրագրերն այս ոլորտում կառուցում ենք նոր իրողություններին համապատասխան և շարունակում ենք մեր բանակցությունները... Աֆղանստանում Թուրքիայի ռազմական ներկայությունը կամրապնդի նաև նոր վարչակազմի դիրքերը միջազգային ասպարեզում և կհեշտացնի նրա աշխատանքը»:
Էրդողանը ծրագրում է Աֆղանստանում տիրող իրավիճակը քննարկել Ռուսաստանի նախագահ Վլադիմիր Պուտինի և Գերմանիայի կանցլեր Անգելա Մերկելի հետ:
Թուրքական աղբյուրներն այս շաբաթ Reuters-ին հայտնել են, որ այս նախնական ծրագրերը չեղարկվել են Քաբուլում տիրող քաոսի պատճառով, սակայն Թուրքիան շարունակելու է թալիբներին անվտանգություն և տեխնիկական աջակցություն առաջարկել օդանավակայանում:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները