Աֆղանստանում փոխնախագահի ուժերը մարտեր են սկսել թալիբների դեմ
Աֆղանստանում փոխնախագահ Ամրուլա Սալեհի ուժերը մարտեր են սկսել «Թալիբան» շարժման գրոհայինների դեմ` Փանջշեր նահանգում։ Նրանց հաջողվել է հետ գրավել Քաբուլից հյուսիս գտնվող Փարվան նահանգի Չարիկար շրջանը։ Այս մասին հայտնում է «ՌԻԱ Նովոստի»-ն՝ հղում անելով ռազմական աղբյուրին։
Նշվում է, որ Չարիկարով (թունելի միջով) է անցնում ռազմավարական կարևորություն ունեցող ավտոճանապարհը, որը Քաբուլը կապում է հյուսիսի խոշորագույն քաղաք Մազարի-Շարիֆի հետ։