Samsung-ի փոխնախագահին վաղաժամ ազատել են բանտից
Samsung-ի փոխնախագահ Լի Չժե Յոնին վաղաժամ ազատել են բանտից՝ հայտարարված համաներման շրջանակներում։ Հիշեցնենք, որ համաներումն հայտարարվել էր Կորեայի Ազատագրման օրվա առիթով։ Այս մասին հայտնում է Yonhap լրատվական գործակալությունը։ Յոնը բանտում անցկացրել է յոթ ամիս։ Նա դատապարտվել էր 2,5 տարվա բանտարկության այն բանից հետո, երբ հայտնվել էր կոռուպցիոն սկանդալի կիզակետում։ Մասնավորապես նրան մեղադրում էին այն բանում, որ 25,5 միլիոն դոլարով կաշառել էր նախկին նախագահի մերձավորներից մեկին՝ ընկերության հետ կապված խնդիրները կարգավորել տալու համար: