Աֆղանստանի նախագահը հնարավոր է համարում իր հրաժարականը
Աֆղանստանի նախագահ Աշրաֆ Հանին դիտարկում է իր հրաժարականը, ինչպես նաեւ երկրից հեռանալու հնարավորությունը, հայտնում է News18 հեռուստաալիքը՝ հղում անելով աղբյուրներին:
«Նախագահը դեռ մտածում է հրաժարականի մասին, եւ հավանականություն կա, որ նա կհեռանա»,- ասել է աղբյուրը:
Հանին իր հրաժարականը դիտարկում է հրադադարի ծրագրի շրջանակներում, որը կառավարությունը փորձում է առաջարկել «Թալիբան» արմատական շարժմանը:
Ավելի վաղ թալիբների ներկայացուցիչը հայտնել էր, որ «Թալիբան» շարժման զինյալներն Աֆղանստանի 34 նահանգների վարչական կենտրոններից 21-ն իրենց վերահսկողության տակ են վերցրել: