Թուրքիայում պատրաստվում են IDEF 2021 պաշտպանական արդյունաբերության 15-րդ միջազգային ցուցահանդեսին

Թուրքիայի առաջատար պաշտպանական ընկերությունները պատրաստվում են IDEF 2021 պաշտպանական արդյունաբերության 15 -րդ միջազգային ցուցահանդեսին։ Այս մասին, «Արմենպրես»-ի հաղորդմամբ, հայտնում է թուրքական «Անադոլու» լրատվական գործակալությունը։

Ցուցահանդեսը, որը կազմակերպում է Թուրքիայի պաշտպանության նախարարությունը ՝ նախագահի աշխատակազմի հովանու ներքո, անցկացվելու է օգոստոսի 17-20 -ը՝ Ստամբուլի TÜYAP կենտրոնում:

Ցուցահանդեսին ներկայացվելու է աշխարհի 53 երկրների 1236 պաշտպանական ընկերությունների արտադրանքի լայն տեսականի, որից 536-ը լինելու է թուրքական:

Ակնկալվում է, որ ցուցահանդեսին կմասնակցի 154 պատվիրակություն աշխարհի 79 երկրներից:

Կանցկացվեն բազմաթիվ բանակցություններ, կկնքվեն նոր պայմանագրեր, կցուցադրվեն նոր արտադրանքներ։