Փաշինյանը գուցե նախ Ադրբեջանին դուրս հանի Հայաստանի սուվերեն տարածքից և նո՞ր միայն ինչ-որ բանակցություններ ձեռնարկի. քաղաքագետ
ՀՀ գործող իշխանությունները ժամանակին ամենից շատ էին խոսում Հայաստանի ինքնիշխանության հզորացման մասին, սակայն նրանց գործողությունների հետևանքով այսօր հայտնվել ենք մի իրավիճակում, երբ Ադրբեջանից բանակցություններ ենք աղերսում, Aysor.am-ի թղթակցի հետ զրույցում տեսակետ հայտնեց քաղաքագետ Բենիամին Մաթևոսյանը՝ անդրադառնալով Փաշինյանի հնչեցրած հայտարարությանը, որ Հայաստանը պատրաստ է Ադրբեջանի հետ բանակցային գործընթացում ներգրավվել թե՛ բարձր, թե՛ բարձրագույն մակարդակներում։
«Հայաստանը մի իրավիճակում է, երբ նրա սահմանների մեծ մասը վերահսկելու է Ռուսաստանը։ Ճիշտ է, Ռուսաստանը մեր ռազմավարական դաշնակիցն է, լավագույն բարեկամը, բայց փաստը մնում է փաստ, որ մենք չենք կարողանում ապահովվել մեր տարածքային ամբողջականությունը»,-նշեց քաղաքագետը։
Բենիամին Մաթևոսյանի խոսքով՝ այս ամենը հանգեցնում է նրան, որ միջազգային հարաբերություններում Հայաստանը սուբյեկտից աստիճանաբար վերածվում է օբյեկտի։
«Երբ ադրբեջանցի զինծառայողները տեղակայվում էին Սև լճի տարածքում, Նիկոլ Փաշինյանը հայտարարում էր, որ Ադրբեջանի զինուժը ներխուժել է ՀՀ սուվերեն տարածք։ Հիմա, գուցե քայլե՞ր ձեռնարկի նույն այդ Ադրբեջանին դուրս հանելու Հայաստանի սուվերեն տարածքից և նոր միայն ինչ-որ բանակցություններ ձեռնարկի վերջինիս հետ»,-ամփոփեց խոսքը քաղաքագետը։
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ընտանեկան բռնությո՞ւն. Նատալյա Ռոտենբերգը հաղորդում է ներկայացրել ոստիկանություն
Լուկա Մոդրիչը 200-րդ խաղն անցկացրեց Խորվաթիայի հավաքականի կազմում
Ալյասկայում Ուկրաինայի վերաբերյալ համաձայնություն չի եղել. Ռուբիո
Դիդիե Դեշամը հրատապ լքել է Ֆրանսիայի հավաքականի ճամբարը
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Viking Row` Նորվեգիայի մանկապարտեզներից մեկում
Վրաստանը կշարունակի իր պրագմատիկ քաղաքականությունը Ռուսաստանի հետ