Միդլթո՞ն, թե՞ Մարքլ. Բեքհեմները չգիտեն՝ թագավորական ընտանիքից ում հրավիրել որդու հարսանիքին
Նախորդ տարի Դեւիդ եւ Վիկտորյա Բեքհեմների որդին համավարակի պատճառով հարսանիքը հետաձգել է մինչեւ 2022թ․-ը։ Արարողության հստակ օրն առայժմ չի նշվում, սակայն երիտասարդներն արդեն անցել են հրավիրատոմսեր ուղարկելուն։
Միեւնույն ժամանակ, Բեքհեմների առաջ լուրջ հարց է կանգնած՝ բրիտանական արքայական ընտանիքից ո՞ւմ հրավիրել հարսանիքին, հայտնել է Mirror-ը։ Մեգան Մարքլը վաղուց ընկերական հարաբերություններ ունի Վիկտորյա Բեքհեմի հետ եւ նույնիսկ կրում է նրա ապրանքանիշի հագուստը, իսկ Դեւիդ Բեքհեմն արքայազն Ուիլյամին անվանել է իր լավագույն ընկերը։
Վիկտորյա Բեքհեմը զգուշանում է հրավիրել կոնֆլիկտըի երկու կողմերին․ նրա կարծիքով՝ այդ դեպքում ամբողջ ուշադրությունը կենտրոնացած կլինի թագավորական ընտանիքի, ոչ թե իր որդու վրա։ Մյուս կողմից վատ որոշում է թվում նաեւ կա՛մ Սասեքսի, կա՛մ Քեմբրիջի դուքսերին հրավիրելը։
«Ում էլ նրանք հրավիրեն, արհամարհական կլինի մյուս կողմի հանդեպ։ Նրանք ցանկանում են երկու զույգերի հետ էլ լավ հարաբերություններ պահպանել։ Բեքհեմները զգուշանում են ներքաշվել Մեգան Մարքլի շուրջ թշնամությանը»,- նշում է պարբերականի աղբյուրը։