Հոլի Բերին նոր ֆիլմի նկարահանումների ընթացքում կոտրել է կողոսկրերը, բայց շարունակել է աշխատանքը
Հոլիվուդյան դերասանուհի Հոլի Բերին «Netflix» սթրիմինգային հարթակի համար նկարահանում է «Կապտուկներով» ֆիլմը։ Դերասանուհին ժապավենում խաղացել է գլխավոր դերը՝ վերածվելով ММА-ի մարտիկի։ Սա աստղի առաջին ռեժիսորական աշխատանքն է, հայտնում է Entertainment Weekly-ն։
Արտիստը կատարել է Ջեքի Ջասթիսի դերը եւ վնասվածքներ ստացել մարտաֆիլմի նկարահանումների հենց առաջին օրը, սակայն հրաժարվել է դադարեցնել ժապավենի արտադրությունը։
Հնարքների համակարգող Էրիկ Բրաունը նշել է, որ դերասանուհին լուրջ վնասվածք է ստացել։ «Դա խելահեղ վնասվածք էր, սակայն Բերին ցուցաբերել է իր ուժը։ Հոլին յուրահատուկ դեպք է։ Ես շատ արտիստների հետ եմ աշխատել, սակայն ոչ մեկի դեպքում աշխատանքային նման էթիկա չեմ տեսել»,- հայտարարել է Բրաունը։
Ի դեպ, ի սկզբանե Ջեքի Ջասթիսի դերը պետք է կատարեր Բլեյք Լայվլին, իսկ ռեժիսորը պետք է լինել Նիք Քասավեթիսը, սակայն 2019թ․-ի վերջին Բերին սկսել է աշխատել նախագծի վրա։ Ժապավենը Netflix-ով կթողարկվի նոյեմբերի 24-ին։