Կիրիլ Տուրիչեկոն խոստացել է Գրիգորեւ-Ապոլոնովի մահվանից հետո նրա աճյունասափորը տանել «Իվանուշկի» խմբի համերգներին
Կիրիլ Տուրիչենկոն հայտարարել է, որ իր համար՝ որպես «Иванушки International» խմբի ամենաերիտասարդ անդամ, ավելի հեշտ է հաղթահարել մեկնումներն ու գործուղումները։ Իսկ նրա գործընկերները տարեցտարի սկսում են ավելի շատ գանգատվել իքնազգացողությունից։ Այդ պատճառով արտիստը խոստացել է խմբի անդամ Անդրեյ Գրիգորեւ-Ապոլոնովի մահվան դեպքում նրա աճյունասափորն իր հետ համերգների տանել։
«Վերջին շրջանում Անդրեյ Գրիգորեւ-Ապոլոնովը շատ է սիրում գանգատվել․ «Այսպիսի շրջագայությունների դեպքում ես շուտով կմահանամ, արդեն չեմ դիմանում»։ Ես ասում եմ․ «Ես քեզ թույլ չեմ տա։ Նախ, ես կկենդանացնեմ քեզ։ Երկրորդ, եթե նման բան տեղի ունենա, աճյունասափորդ կպտտեմ ինձ հետ, կդնեմ բեմում, բարձախոս կմոտեցնեմ, եւ կհնչի քո ձայնի ձայնագրությունը։ Դու ինձ մոտ կաշխատես այնքան, որքան հարկավոր է, որքան պահանջում է ժողովուրդը, որովհետեւ դու այլեւս քեզ չես պատականում, դու ժողովրդին ես պատկանում»»,- ասել է Կիրիլը։
Երաժիշտներն այժմ ուշադրությամբ են վերաբերում աշխատանքային առաջարկներին, համաձայնում են ելույթ ունենալ միայն այն դեպքում, երբ պայմաններն առավելագույնս ձեռնտու են։ Իսկ Կիրիլը, հակառակը, ցանկանում է շատ աշխատել, իրացնել իրեն։ Հենց այդ պատճառով էլ զբաղվում է սոլո նախագծերով։
«НТВ»-ով հեռարձակվող «Маска» նախագծից հետո Կիրիլը երկրպագուների մեծ բանակ է ձեռք բերել։ «Կոմսոմոլսկայա պրավդա»-ին տված հարցազրույցում նա խոստովանել է, որ մտադիր չէ կորցնել այդ հնարավորությունը։ Հենց այդ պատճառով էլ Տուրիչենկոն այժմ շատ է աշխատում՝ իրեն փորձելով նոր ոլորտներում եւ ժանրերում։