Քաղաքագետ. Բաքուն համաձայնագրի է ձգտում, որը թույլ կտա նրանց հայտարարել Ղարաբաղում պատերազմի ավարտի մասին
Այն, ինչ կատարվում է այժմ Հայաստանի եւ Ադրբեջանի սահմանին, կոչվում է ցածր ինտենսիվության հակամարտություն: Այն գոյություն ուներ միշտ՝ սկսած 2000-ականների սկզբից կամ կեսերից եւ այդպես՝ մինչեւ անցյալ տարի՝ Ղարաբաղյան երկրորդ պատերազմը:
Այս մասին հուլիսի 28-ին կայացած առցանց քննարկման ժամանակ ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը: Ընդ որում, փորձագետը նշեց, որ այն ժամանակ սահմաններն այլ էին: «Բայց նույնիսկ այդ ժամանակ պարբերաբար կրակոցներ էին լինում, լինում էին տարբեր տեսակի սրացումներ, ինչպես ադրբեջանական, այնպես էլ հայ զինվորականների տեղաշարժեր՝ որոշ տարածքների, հենակետերի, ճանապարհների գրավմամբ եւ այլն»,- ասաց Իսկանդարյանը:
Այնուամենայնիվ, ըստ քաղաքագետի, տեղի ունեցածը պատահական չէր, քանի որ Ադրբեջանն ունի ռազմավարություն եւ կոնկրետ նպատակ: Այդպես, Բաքվում, ըստ Իսկանդարյանի, ուզում են, որպեսզի Հայաստանի հարավով երկաթգիծ անցնի, որի վրա գնացքները կանգ չեն առնի: Այդ երկաթուղին կհասնի նաեւ Թուրքիա: Նրանք նաեւ ցանկանում են, որպեսզի այդ ճանապարհը պահեն ոչ հայերն ու հայ ուժայինները:
Երկրորդ. Ադրբեջանը փորձում է հասնել համաձայնագրի ստորագրմանը, որն այս երկրի իշխանությունները կկարողանան իրենց հանրությանը ներկայացնել որպես Ադրբեջանի սահմանների որոշակի ճանաչում եւ Ղարաբաղի փաստացի ներառում Ադրբեջանի կազմում՝ Հայաստանի կողմից այդ փաստի ճանաչմամբ»,- պարզաբանեց փորձագետը: Այսինքն, նրա խոսքով, Բաքուն ցանկանում է նման համաձայնագիր ստանալ, որը թույլ կտա նրանց հայտարարել ղարաբաղյան պատերազմի վերջնական ավարտի մասին:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները