Մակեդոնիայում դատարանը տղամարդուն տուգանել է Էրդողանին վիրավորելու համար
Մակեդոնիայի դատարանը տղամարդուն մեղավոր է ճանաչել Թուքիայի նախագահ Ռեջեփ Թայիփ Էրդողանին համացանցում վիրավորելու համար եւ տուգանել է 24,6 հազար մակեդոնական դինարով (մոտ 400 եվրո), փոխանցում է «ՌԻԱ Նովոստի»-ն:
Սկոպյեի դատարանի վճռով Մակեդոնիայի եւ Թուրքիայի քաղաքացի Ե.Ա.-ն 2016 թվականի նոյեմբերին Facebook-ի իր էջում «արտասահմանյան պետություններից մեկի առաջնորդին ուղղված ծաղրող հայտարարություններ եւ վիրավորանքներ է տեղադրել»: Տուգանքի վճարումից խուսափելու դեպքում այն կարող է փոխարինվել ազատազրկմամբ:
Հայցվորը Սկոպյեում Թուրքիայի դեսպան Էրքալ Քարան է, որը նշել է, որ վնաս է պատճառվել ոչ միայն Էրդողանին, այլ նաեւ թուրքական պետության հեղինակությանը:
«Մենք համոզված ենք, որ տվյալ անձը արժանի է պատժվելուն: Այս հայցը ներկայացվել է այն նպատակով, որ կանխի նրանց, որոնք առանց մտածելու կցանկանան համանման ինչ-որ բան անել»,- ասել է դեսպանը:
Դատավճիռն իր տեսակի մեջ առաջինն է եւ երկրում մեծ արձագանք է առաջացրել: Փաստաբան Ֆիլիպ Մեդարսկին նշել է, որ Մակեդոնիայի Քրեական օրենսգրքի համաձայն՝ մեղադրյալին կարող էին դատել միայն այն դեպքում, եթե վիրավորանքները վերաբերեին նախագահի պաշտոնին, այլ ոչ թե անձամբ Էրդողանին: Նրա կարծիքով՝ այս որոշումը հակասում է Մարդու իրավունքների եվրոպական դատարանի նորմերին:
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Ուրումչիի մշակութային ուղին. Գրանդ բազար
Երևանի Կենտրոնում պետության սեփականության իրավունքն է վերականգնվել 51,9 քմ նկուղային տարածքի և հողամ...
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Գանսուի թռչող ձին. չինական նահանգի հնագույն ժառանգություն
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Մահացել է աշխարհի չեմպիոն և «Միլանի» լեգենդ Ֆրանկո Բարեզին