Հայաստանում ԱՄՆ նախկին դեսպանին Պետքարտուղարությունից դուրս են մղում
Փորձառու դիվանագետ, Հայաստանում ԱՄՆ նախկին դեսպան Ջոն Հեֆերնին ստիպում են հեռանալ պետքարտուղարի Եվրոպայի եւ Եվրասիայի հարցերով օգնականի պաշտոնից՝ նոր վարչակազմի օրոք Պետքարտուղարությունում վերադասավորումների լույսի ներքո: Վկայակոչելով նախկին եւ գործող պաշտոնյաներին՝ այս մասին հայտնում է Foreign Policy-ն:
Թրամփը նրա պաշտոնում առաջարկել է Ուես Միթչելին, սակայն նրա թեկնածությունը դեռեւս չի արժանացել Սենատի հավանությանը: «Սա եւս մեկ օրինակ է, որ վարչակազմը տաղանդը շփոթում է իրական ինստիտուցիոնալ գիտելիքների հետ»,- հայտարարել է Պետքարտուղարության նախկին աշխատակիցներից մեկը՝ անունը չհրապարակելու պայմանով:
Foreign Policy-ի տեղեկություններով՝ Հեֆերնը Պետքարտուղարությունում կմնա, սակայն դեռեւս հայտնի չէ՝ հատկապես ինչ պաշտոնում: Ինչ վերաբերում է Միթչելին, ապա նա վերլուծական կենտրոն է ղեկավարել, դասախոսություններ կարդացել, սակայն կառավարությունում աշխատելու փորձ չունի: Ըստ պարբերականի՝ Հեֆերնի հրաժարականը վտանգավոր է՝ կապված աշխատակիցների պակասի հետ, սակայն չափազանց կարեւոր տարածաշրջանային բաժինը առանձնապես կարեւոր է Ռուսաստանի հետ աճող լարվածության եւ ԵՄ հետ առեւտրային վեճերի պատճառով:
Հոդվածում նշվում է, որ Հեֆերնին փոխարինելու պատճառները պարզ չեն, սակայն պաշտոնյաները կարծում են, որ սա այն միտման շարունակությունն է, երբ քարտուղարների օգնականների գլխավոր տեղակալները դուրս են մղվում կամ հեռանում, որոնց պաշտոնները նոր մարդիկ են զբաղեցնում:
Պետքարտուղարությունից չեն պատասխանել Foreign Policy-ի՝ իրավիճակի մեկնաբանմանն առնչվող հարցին: Միեւնույն ժամանակ, գործընկերների եւ նախկին պաշտոնյաների, նաեւ արտասահմանյան դիվանագետների խոսքով՝ Հեֆերնը խելացի, անկաշառ եւ նվիրված դիվանագետ է:
Հոդվածում շեշտվում է, որ 2011-ից 2014 թվականներին Հեֆերնը եղել է Հայաստանում ԱՄՆ դեսպանը, որը նկարագրվում է որպես «քաղաքական ենթատեքստով նշանակում՝ հաշվի առնելով Վաշինգտոնում հայ-ամերիկյան համայնքի քաղաքական ակտիվությունը: Սակայն, ինչպես նշել է Սենատի աշխատակիցներից մեկը, Հեֆերնն իսկապես լավ է աշխատել՝ կարողանալով մանեւրել եւ դրանով, որպես արդյունք, Կապիտոլիումի բլրում բարձր հեղինակություն վաստակել», նշված է հոդվածում:
22-ամյա հղի կինը մեքենայից դուրս է նետվել և մաhացել, ոստիկանությունը մանրամասներ է հայտնել Գեղարքուն...
Մեղավոր է ճանաչվել Ռուսաստանի օգտին լրտեսության մեջ
9-21 կմ պետք է Ադրբեջանի տարածքով անցնենք, որ հասնենք Արծվաշեն. Սասուն Միքայելյան
Մայիսի 25-28-ը մի շարք փողոցներում նախատեսված են երթևեկության սահմանափակումներ
Այս տարի ունենք ավելի քան 22,000 շրջանավարտ. վաղը կհնչի վերջին զանգը
Ռուսական գազի գինը Հայաստանի համար չի կարող թանկանալ
Երեւանում եւս ժամանակ առ ժամանակ սպասվում է անձրեւ եւ ամպրոպ
Հայաստանը առաջին անգամ հյուրընկալել է «Կոնկուրս Մոնդիալ դե Բրյուսել» գինու համտես-մրցույթը
«Ատոմային նոր էներգաբլոկի կառուցում» ՓԲԸ-ի կանոնադրական կապիտալը կհամալրվի 200 մլն դրամով
ՃՏՊ Երեւանի կենտրոնում` մահվան դեպքով