Ահաբեկիչներն առեւանգել են տասնյակ բնակիչներ Նիգերիայի հյուսիս-արեւմտյան գյուղում
Ահաբեկիչներն առեւանգել են առնվազն 60 մարդու Նիգերիայի հյուսիս-արեւմուտքում, երբ մոտոցիկլետներով ներխուժել են հինգ գյուղ եւ օդ կրակել, հաղորդում է Reuters-ը՝ վկայակոչելով ոստիկանության ներկայացուցիչներին եւ մի քանի բնակիչներին:
Չորս բնակիչ հայտնել է գործակալությանը, որ զինված մարդիկ հարձակվել են գյուղի վրա Սինքաֆի շրջանում՝ առաջացնելով խուճապ եւ առեւանգելով գյուղի առնվազն 60 բնակչի մոտակա անտառում փախուստի դիմելուց առաջ:
Զամֆարա նահանգում վերջին առեւանգումը տեղի է ունեցել ուրբաթ գիշերը, հայտնել է տարածաշրջանային ոստիկանության ներկայացուցիչ Մոհամդե Շեխուն՝ հավելելով, որ հետաքննությունը շարունակվում է:
Նիգերիան պայքարում է զինված կողոպուտների եւ մարդկանց առեւանգումների դեպքերի աճի դեմ, որոնք կատարվում են փրկագին ստանալու նպատակով գլխավորապես հյուսիս-արեւմտյան շրջաններում, որտեղ անվտանգության թույլ ուժերը հաճախ ի վիճակի չեն կանգնեցնել առեւանգումը: