Մոսկվայում հուլիսի 19-ից կչեղարկվի ռեստորաններ ու սրճարաններ այցելելիս պարտադիր QR կոդերի համակարգը
Մոսկվայում հասարակական սննդի հաստատություններում պարտադիր QR կոդերի համակարգը կչեղարկվի հուլիսի 19-ից: Նրա խոսքով՝ այդ համակարգը կատարել է իր խնդիրը, հաղորդում է «Ինտերֆաքս»-ը:
QR կոդերը տրամադրվում են մոսկվացիներին, ովքեր ամբողջությամբ պատվաստվել են կորոնավիրուսի դեմ, վերջին վեց ամիսներին COVID-19 են տարել կամ ՊՇՌ թեստի բացասական արդյունք ունեն: Հունիսի 28-ից ռեստորաններն ու սրճարանները կարող էին սպասարկել միայն նրանց, ովքեր այդպիսի ծածկագրեր ունեն: Ստուգվում էր նաեւ նրանց անձը հաստատող փաստաթուղթը:
Հասարակական սննդի հաստատությունների ամառային սրահներին սկզբում թույլատրվում էր առանց QR կոդերի հաճախորդներին սպասարկել մինչեւ հուլիսի 12-ը: Հուլիսի 8-ին Սոբյանինը համաճարակաբանական իրավիճակի կայունացման կապակցությամբ մինչեւ օգոստոսի 1-ը երկարացրեց ամառային սրահների աշխատանքի այդ ռեժիմը:
Մոսկվայի որոշ թանգարաններում եւս QR կոդերի ռեժիմ է ներդրվել: