Գերմանացի պաշտոնյան առաջարկել է սառեցնել Էրդողանի ընտանիքի անդամների արտասահմանյան բանկային հաշիվները
Գերմանիայի «Քրիստոնյա-դեմոկրատական միություն» կուսակցության արտաքին քաղաքականության հարցերով խոսնակներից մեկն առաջարկել է սառեցնել Թուրքիայի նախագահ Ռեջեփ Թայիփ Էրդողանի ընտանիքի անդամների արտասահմանյան բանկային հաշիվները, այս մասին գրում է թուրքական t24.com.tr կայքը:
Ըստ գերմանացի պաշտոնյայի` հարկավոր է պատժամիջոցներ կիրառել ՆԱՏՕ-ի և ԵՄ-ի արժեքները ոտնահարող Թուրքիայի դեմ, բացի այդ՝ նա խորհուրդ է տվել եվրոպացիներին չհանգստանալ Թուրքիայի հանգստի գոտիներում:
«Եթե եվրոպացիները հանգստի նպատակով չմեկնեն Թուրքիա, ապա այդ երկիրը եկամուտների հետ կապված լուրջ խնդիրներ կունենա: Այն, որ հիմա ԵՄ-ի և Թուրքիայի հարաբերությունները լարված են, դրա պատասխանատուն ոչ թե ԵՄ-ն է, այլ հենց Էրդողանը», - ասել է խոսնակը՝ հավելելով, որ Թուրքիան թիկունք է դարձրել Արևմուտքին:
Նշենք, որ օրեր առաջ մեծ հակազդեցության էր արժանացել Էրդողանի՝ Գերմանիայի թուրքերին ուղղված կոչը, որով նախագահը պահանջել էր գերմանաբնակ թուրքերից «Թուրքիայի դեմ թշնամություն անող» որոշ կուսակցությունների խորհրդարանական ընտրությունների ժամանակ ձայն չտալ:
Ներկայում Թուրքիայում կալանքի տակ է գտնվում Գերմանիայի 11 քաղաքացի: Կալանքի տակ գտնվողների թվում կան նաև Ստամբուլի կղզիներում ձերբակալված իրավապաշտպաններ, ինչպես նաև գերմանական DW հեռուստառադիոընկերության Թուրքիայի թղթակից Դենիզ Յուջելը, որի արտահանձնման հարցում Թուրքիան շարունակում է համառել:
Հայաստանում ԱՄՆ դեսպանատունը զգուշացնում է
ԱՄՆ-ն հարվածել է խոշոր զինամթերքի պահեստի
Այսօրվանից վերսկսվում են Կապան-Երևան-Կապան թռիչքները․ Խուդաթյան
Արաղչին առաջարկել է տարածաշրջանից հեռացնել ամերիկյան զորքերը
Մի խաբեք մարդկանց. Արցախը վերադարձնելու հարցում մենք որեւէ դաշնակից չունենք
Զաբել տատն իր 100-ամյա հոբելյանը կյանքի ամենաերջանիկ օրերից մեկն է համարում. հարազատները ծննդյան օրն...
Wildberries-ը Երևանում բացել է նոր լոգիստիկ համալիր՝ օրական մինչև 500 հազար ապրանքի թողունակությամբ
Ինչու Սպերցյանը չտեղափոխվեց Պորտու
Աջակցությունը կազմում է 50%՝ առավելագույնը 1-1.5 մլն դրամ՝ կախված սերտիֆիկատի տեսակից․ Գևորգ Պապոյան...
Դասերը կվերսկսվեն առկա ձևաչափով վաղվանից՝ մարտի 31-ից․ Հայաստանի ամերիկյան համալսարան