Ընտրություններից հետո արտագաղթի ալիքն աճում է
«Ամեն ընտրության հաջորդող շրջանում Հայաստանում արտագաղթի զգալի բարձրացում է լինում»,-այսօր լրագրողների հետ հանդիպման ժամանակ ասաց ազգագրագետ Հրանուշ Խառատյանը՝ նշելով, որ փլուզվում են մարդկանց հույսերը, որոնք ձևավորվել են ընտրությունների շրջանում:
Տիկին Խառատյանը որակական հետազոտություն է անցկացրել՝ խորացված զրույցներ անելով որոշակի խմբի մարդկանց հետ. «Կարող եմ ասել, որ այն աշխատանքը, որի համար արտագաղթում են, շատ էական ազդեցություն չի ունենում կենսամակարդակի վրա, մարդիկ փախչում են անհուսությունից, իրավական վիճակից, իրավունքի սելեկտիվ կիրառումից»,-ասաց նա:
Ազգագրագետը, ուսումնասիրելով 2011 թվականի մարդահամարի տվյալները, հետաքրքիր դիտարկում է արել. «39-49 տարեկանների խումբը 19-29 խմբի համեմատ մինչև 42 տոկոս պակաս է: Սա շատ մեծ և ծանր թիվ է, ինչը խոսում է, որ կենսափորձով, կայուն, հմտություն, գիտելիք ունեցող մարդկանց պակաս ունենք, այսինքն՝ որակական պակասի մասին է խոսում երկրում»:
Քննարկմանը ներկա՝ ժողովրդագիր Ռուբեն Եգանյանն էլ հավելեց, որ մեր երկրի ներքաղաքական վիճակը հիմնականում կայուն է, իսկ արտագաղթը պայմանավորված է ավելի շատ Ռուսաստանում առկա իրավիճակից. սա վերջին տարիներին Սլավոնական համալսարանի կողմից իրականացված հետազոտությունն է բացահայտել. «Քանի որ Ռուսաստանն է հանդիսանում միգրացիոն հիմնական գործընկերը։ Կան արտագաղթի վերաբերյալ տարբեր տվյալներ, սակայն դրանցից ոչ մեկը իրականությանն այնքան էլ չի համապատասխանում, քանի որ չենք կարողանում իրականում չափագրել, որովհետև մեր միգրանտները չեն հետևում պետական կարգին, որը նախատեսված է միգրացիոն տեղափոխումների համար»:
ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանն էլ նշեց, որ արտագաղթը տարիքային խմբերում մեծ խեղման է բերել, ինչի արդյունքում՝ Հայաստանում տարեցների թվի աճ է գրանցվում:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
13-ամյա աղջիկը ընկել է դպրոցի պատուհանից
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս