Առնվազն տարօրինակ կլիներ, որ սահմանամերձ բնակավայրի բնակիչները ինքնապաշտպանության համար ոչինչ չունենային․ Սոնա Տռուզյան

Սոնա Տռուզյանը ֆեյսբուքյան իր էջում գրում է․

Քննչական կոմիտեի աշխատանքների վերաբերյալ փորձել եմ հնարավորինս ձեռնպահ մնալ հրապարակային դիտարկումներից, բայց այսօրվա հաղորդագրությունն ու դրան կից ներկայացված լուսանկարները ուղղակի ծառայամտության դասական օրինակ են։
Հայտարարում են, թե Որոտանի համայնքապետին ձերբակալել են ընտրակաշառք բաժանելու համար, որպիսիք ներկայացվում է բնակիչներին համայնքի բյուջեից տրված սոցիալական օգնությունը ու որպես ապացույց կցվում զրահաբաճկոնի լուսանկար։
Հարգելիներս, հաղորդագրության մեջ որեւէ խոսք չկա, որ դրանք անօրինական են, համենայն դեպս համայնքապետին ապօրինի զենք, ռազմամթերք պահելու կասկածանք չեք վերագրել, իսկ նման լուսանկարներով համայնքապետին չեք վարկաբեկում, այլ ձեզ։ Թշնամին Սյունիքում դիրքավորված է ու առնվազն տարօրինակ կլիներ, որ սահմանամերձ բնակավայրի բնակիչները ինքնապաշտպանության համար ոչինչ չունենային, դրանք անգամ պետությունը պետք է տրամադրեր։
Ի դեպ, Տեղ համայնքում գյուղացիներից մեկը գերեվարվելուց փրկվել էր հենց ինքնապաշտպանական միջոցի շնորհիվ, սպառնացել էր ադրբեջանցիներին նռնակը պայթեցնել, եթե մոտենան, մինչեւ օգնության էին հասել մեր զինվորները։ Հիմա ինչ, գնալու ենք գյուղացուն կալանավորեք ապօրինի ռազմամթերք պահելու համա՞ր... Ինքներդ ձեզ գոնե մի քիչ հարգում ե՞ք։