Թալիբանը մտադիր է Աֆղանստանից ԱՄՆ զորքերի դուրսբերումից հետո խաղաղության պայմանագիր կնքել կառավարության հետ
Թալիբանը մտադիր է Աֆղանստանից ԱՄՆ զորքերի դուրսբերումից հետո խաղաղության պայմանագիր կնքել երկրի կառավարության հետ, հաղորդում է Reuters-ը:
Գործակալությունը պնդում է, որ աֆղանական անվտանգության ուժերի հարյուրավոր աշխատակիցներ են փախել հարեւան Տաջիկստանի՝ կապված Թալիբանի հարձակման հետ:
«Չնայած նրան, որ մենք գերակայություն ունենք մարտի դաշտում, մենք շատ լուրջ ենք վերաբերվում երկխոսությանն ու բանակցություններին»,-ասել է Թալիբանի պաշտոնական ներկայացուցիչ Զաբիհուլլահ Մուջահիդը:
Մեկնաբանելով Աֆղանստանի կառավարության հետ խաղաղ պայմանագիր կնքելու ծրագրերը՝ նա ասել է, որ բանակցությունների միջոցով կարգավորումը միակ միջոցն է՝ վերջ դնելու Աֆղանստանում 40-ամյա պատերազմին: