Ջեֆ Բեզոսը հեռացել է Amazon-ի գլխավոր տնօրենի պաշտոնից

Ջեֆ Բեզոսը հեռացել է Amazon-ի գլխավոր տնօրենի պաշտոնից՝ մոտ 197 միլիարդ դոլար կարողությամբ, ինչը 739 489 անգամ գերազանցում է 65-ամյա ամերիկացու միջին սեփական կարողությունը, գրում է Business Insider-ը:

Փետրվարին Amazon-ը հայտարարել էր, որ Բեզոսն այս տարի հրաժարական կտա եւ կդառնա ընկերության տնօրենների խորհրդի գործադիր նախագահ:

Ակնկալվում է, որ նա ավելի շատ ժամանակ կհատկացնի այնպիսի նախաձեռնությունների, ինչպիսիք են «Բեզոսի Երկրի հիմնադրամը», Blue Origin տիեզերական ընկերությունը, The Washington Post-ը եւ Amazon Day-1 հիմնադրամը, հայտնում է CNBC-ը:

Ըստ Business Insider-ի, անցյալ տարի Բեզոսը ընկերությունից ստացել է 81 840 դոլար աշխատավարձ եւ 1,6 միլիոն դոլար փոխհատուցում:

Նրա սեփական կարողությունը 75 միլիարդ դոլարով աճել է 2020-ի ընթացքում, երբ COVID-19 համավարակը հանգեցրեց նրա ընկերության առցանց-շուկայում վաճառքի մնեծացմանը, ինչի արդյունքում բաժնետոմսերը կտրուկ աճեցին։

Բեզոսը, ով մեկ վայրկյանում ավելի շատ փող է աշխատում, քան ամերիկացի միջին աշխատողը մեկ շաբաթում, քննադատության է ենթարկվել այն բանի համար, որ հարստացել է, մինչդեռ Amazon-ի հազարավոր աշխատողներ ապրում են սննդի կտրոններով եւ աշխատում են վատ պայմաններում:

Նրան կփոխարինի Էնդի Յասսին` ընկերության ամպային հարթակ Amazon Web Services-ի ներկայիս գլխավոր տնօրենը: