Ջեյմս Ֆրանկոն 2,2 միլիոն դոլար կվճարի կանանց, որոնք նրան մեղադրել են սեռական ոտնձգությունների համար

Ամերիկացի դերասան Ջեյմս Ֆրանկոն ավելի քան 2 միլիոն դոլար կվճարի կարգավորելու համար սեռական ոտնձգությունների վերաբերյալ հայցերը, որոնք նրա դեմ ներկայացրել են իր դերասական դպրոցի ուսանողուհիները։ Գործարքը վերջնականապես պետք է հաստատի Լոս Անջելեսի դատարանը։ Իսկ մինչ այդ The Hollywood Reporter-ը հայտնում է, որ կողմերը պայմանավորվել են հարցի խաղաղ լուծման մասին։

Ըստ այդ համաձայնության՝ հայցվորները հետեւյալ չափի գումար կստանան՝ Սառա Թիթեր-Կապլան՝ 670,5 հազար դոլար, որից 223,5 հազարը բաժին կհասնի փաստաբաններին, Թոնի Գալը՝ 223,5 հազար դոլար, 74,5 հազարը կծածկի դատական ծախսերը։ Հաղորդվում է, որ 1․341 միլիոն դոլար կհատկավվի մյուս ուսանողներին, 827 հազար դոլար կվճարեն փաստաբաններին, չպահանջված գումարը կհատկացվի կանանց իրավաբանական կենտրոնին։

Թեեւ պատասխանողները շարունակում են հերքել մեղադրանքները, խոստովանում են, որ հայցվորները կարեւոր հարցեր են բարձրացրել, եւ բոլոր կողմերը համոզված են, որ հիմա ճիշտ ժամանակն է կենտրոնանալ Հոլիվուդում կանանց նկատմամբ դաժան վերաբերմունքի խնդրի լուծման վրա։ Բոլորը համաձայն են, որ զվարճանքի ոլորտում ոչ ոք՝ անկախ ռասայից, կրոնից, հաշմանդամությունից, էթնիկ պատկանելությունից, ծագումից, սեռից կամ սեռական կողմնորոշումից, չպետք է բախվի խտրականության, հետապնդման կամ ցանկացած տիպի նախապաշարմունքի հետ, ասված է հայտարարության մեջ։

Անպատշաճ վարքագծի վերաբերյալ մեղադրանքները բուլվարային թերթի համար լավ առիթ են դարձել։ Այդ բոլոր բողոքները սուտ են, սադրիչ եւ իրավաբանորեն անհիմն։ Համատեղ հայցը ներկայացվել է միայն պատմությանը մեծ հնչեղություն տալու համար, ասում էին փաստաբանները։ Դեռ 2019թ․-ի հոկտեմբերին Ջեյմս Ֆրանկոյին մասսայաբար մեղադրել են սեռական ոտնձգությունների համար։ Սառա Թիթեր-Կապլանը եւ Թոնի Գալը դատական հայց են ներկայացրել Ջեյմս Ֆրանկոյի եւ նրա «Studio 4» դերասանական դպրոցի դեմ։ Նրանք պնդում էին, որ Ֆրանկոն եւ այլ ներկայացուցիչներ անպատշաճ վարքագիծ են դրսեւորել, ինչի արդյունքում «նրանց գործողությունները ոտնձգությունների միջավայրի են հասցրել են սեռական շահագործման ինչպես դասարանում, այնպես էլ դրանից դուրս»։