Սիրավե՞պ հայի հետ․ Քսենիա Բորոդինայի երեւանյան այցի մանրամասները
Շատ երկրպագուներ հետաքրքրված են, թե ամուսնալուծությունից հետո ինչ է տեղի ունենում «Դոմ-2»-ի հաղորդավարի անձնական կյանքում: Աղբյուրները նշում են, որ Բորոդինայի համար անհանգստանալու կարիք չկա, նա արդեն դաղստանցի գործարարին փոխարինող է գտել:
Մի քանի օր առաջ 38-ամյա հաղորդավարուհին դիմել է ապահարզանի համար։ Դրանից հետո հայտնի հաղորդավարուհին մեկնել է Երեւան։ Որոշ աղբյուրներ պնդում են, որ հանգստի համար ընտրված տեղանքը պատահական չէ։ «Светские хроники» Telegram-ալիքի տեղեկատվության համաձայն՝ Քսենիան Հայաստան է մեկնել իր նոր սիրեցյալի հետ հանդիպելու համար: Եթե հավատանք այդ լուրերին, ապա Բորոդինան ամուսնուց բաժանվելուց անմիջապես հետո սիրավեպ է սկսել հայտնի հայ ռեստորատոր Էրիկ Ավագյանի հետ։
«Տելեդիվան Երեւան է մեկնել ռեստորանային բիզնեսով զբաղվող «Գրիշա Էրիկ» մականունով նոր ընկերոջ՝ Էրիկ Ավագյանի մոտ։ Զույգին նկարել են Երեւանի ակումբներից մեկում՝ VIP-հաճախորդների համար նախատեսված պատշգամբում։ Ինչպես գրում են մեզ բաժանորդները, Քսյուշան եւ Էրիկը իրենց պահել են որպես սիրահար զույգ եւ բոլորովին չեն ամաչել հասարակության առջեւ ի ցույց դնել իրենց զգացմունքները», - նշվում է հաղորդագրության մեջ:
Հեղինակների տեղեկատվության համաձայն՝ Քսենիա Բորոդինայի ստացած հսկայական ծաղկեփնջերը, որոնք նա ցուցադրել է Instagram սոցիալական ցանցում իր պաշտոնական էջում, ստացվել են հենց Գրիշա Էրիկից: Այնուամենայնիվ, հարկ է նշել, որ այս տեղեկատվությունը ապացուցված չէ եւ հիմնված է բացառապես խոսակցությունների վրա: Առայժմ չի կարելի պաշտոնապես պնդել, որ Բորոդինան սիրավեպ ունի Ավագյանի հետ։ Չէ՞ որ Երևանում զույգին նկատած մարդիկ կարող էին ճանաչել, շփոթել, կամ պարզապես խտացնել գույները։