Ֆրանսիայի կառավարությունը հերքում է միջուկային փորձարկումներից հետո Խաղաղ օվկիանոսում ճառագայթման մակարդակը թաքցնելը
Ֆրանսիայի կառավարությունը հերքում է տարածաշրջանում միջուկային փորձարկումներից հետո Խաղաղ օվկիանոսում ճառագայթման մակարդակը թաքցնելը, հայտնում է AFP-ն:
Երկօրյա «կլոր սեղանը», որը հրավիրել է Ֆրանսիայի նախագահ Էմանուել Մակրոնը, սկսվել է այն նոր հայտարարություններից հետո, որ 1966-1996 թվականների փորձարկումները մթնոլորտի եւ հողի թաքնված աղտոտում են առաջացրել:
«Պետության կողմից ոչ մի պարտակում չի եղել»,- AFP-ին ասել է պաշտպանության փոխնախարար Ժենեւեւա Դարյեն՝ բացառելով Ֆրանսիայի կողմից պաշտոնապես ներողություն խնդրելը:
Մարտին Disclose կայքը հայտնել էր Ֆրանսիական Պոլինեզիայում անցկացված շուրջ 200 միջուկային փորձարկումների մասին՝ 2013-ին գաղտնազերծված ֆրանսիական ռազմական փաստաթղթերը վերլուծելուց հետո:
Օգտագործելով վիճակագրական մոդելավորումը եւ գիտնականների ու մասնագետների օգնությունը, պորտալը եզրակացրել է, որ «ավելի քան 50 տարի ֆրանսիական իշխանությունները թաքցրել են միջուկային փորձարկումների իրական ազդեցությունը պոլինեզացիների առողջության վրա»:
Disclose-ի տվյալներով՝ առայժմ միայն Պոլինեզիայի 63 քաղաքացիներ են, բացառությամբ զինվորների եւ կապալառուների, փոխհատուցում ստացել միջուկային փորձարկումներից ճառագայթման ազդեցության համար:
Disclose-ի եզրակացությունները էականորեն տարբերվում են Էներգիայի եւ ատոմային էներգիայի այլընտրանքային ֆրանսիական հանձնաժողովի (CEA) եզրակացություններից, որի թվերը չափանիշ են փորձարկման զոհերի փոխհատուցման համար:
Disclose-ը պնդում է, որ մեկ ատոլում գտնվող հողի ռադիոակտիվ նստվածքները թերագնահատված են ավելի քան 40 տոկոսով:
Մուրորի եւ Ֆանգատաուֆի ատոլներում երեք տասնամյակի ընթացքում 193 միջուկային փորձարկում են անցկացրել՝ մինչեւ այն ժամանակվա նախագահ Ժակ Շիրակը դադարեցրեց ծրագիրը 1990-ականներին:
2016-ին նախկին նախագահ Ֆրանսուա Օլանդը տարածաշրջան կատարած այցի ժամանակ խոստովանել էր, որ փորձարկումները «ազդել են» առողջության եւ շրջակա միջավայրի վրա եւ խոստացել էր վերանայել փոխհատուցման գործընթացը:
Մոտ 300 000 բնակչություն ունեցող ֆրանսիական Պոլինեզիան Խաղաղ օվկիանոսում ֆրանսիական երեք տարածքներից մեկն է:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները