Վիտալինա Ցիմբալյուկ-Ռոմանովսկայան լուսանկար է հրապարակել ծնողների հետ, որոնց հեռացրել էին Ջիգարխանյանի թատրոնից

Արմեն Ջիգարխանյանի հետ ամուսնությունից, Պրոխոր Շալյապինի հետ ոչ միանշանակ հարաբերություններից հետո Վիտալինա Ցիմբալյուկ-Ռոմանովսկայայի անունը սկսել է առավել հազվադեպ հայտնվել մամուլում։ Մոռացվում են նաեւ սկանդալները, որոնք տեղի է ունեցել այն ժամանակ, երբ ուկրաինացի դաշնակահարուհին ղեկավարում էր ամուսնու թատրոնը, ինչպես նաեւ այնտեղից նրա ծնողներին աղմուկով աշխատանքից ազատելը։

Սակայն վերջերս Ցիմբալյուկ-Ռոմանովսկայան իր ու ընտանիքի մասին հիշելու առիթ է տվել։ Ինստագրամյան էջում արտիստը լուսանկար է հրապարակել ծնողների հետ։ Ջիգարխանյանի նախկին կինը ոսկեփայլ զգեստ է կրում եւ կանգնել է ծնողների մեջտեղում։

«Հայրս այսօր 70 տարեկան դարձավ․ թռիչքը նորմալ է։ Թող մեր ծնողները չծերանան»,- ընտանեկան լուսանկարը մակագրել է աստղը։

Վիտալինայի ծնողները, որոնք մասնագիտությամբ ինժեներներ են, ժամանակին աշխատանքի են անցել Դրամատիկական թատրոնում, որը ղեկավարում էր նրանց փեսան, իսկ տնօրենի պաշտոնում նրանց դուստրն էր։ Ցիմբալյուկ-Ռոմանովսկայայա հայրը թատրոնում աշխատում էր որպես գլխավոր ինժեներ, մայրը ղեկավարում էր կարի արտադրամասը։ Սակայն հետագայում Արմեն Բորիսովիչը նրանց ազատել է աշխատանքից՝ պատճառաբանելով անվստահությունը։

Ի դեպ, վերջերս ուկրաինացի դաշնակահարուհին միստիկ պատմություն է ներկայացրել, որը նրա հետ տեղի է ունեցել նախկին ամուսնու մահվանից հետո։ Սուրբ ծնունդից առաջ մի գիշեր Ցիմբալյուկ-Ռոմանովսկայային երեւացել է Արմեն Ջիգարխանյանի ուրվականը, որը պարզապես կանգնել է ու լռել։