Կիմ Չեն Ընը քննադատել է բարձրաստիճան պաշտոնյաներին՝ կորոնավիրուսի կանխարգելման գործում ձախողումների համար
Հյուսիսային Կորեայի առաջնորդ Կիմ Չեն Ընը քննադատել է բարձրաստիճան պաշտոնյաներին՝ կորոնավիրուսի կանխարգելման գործում ձախողումների համար:
Քաղբյուրոյի նիստում Կիմը քննադատել է բարձրաստիճան պաշտոնյաներին՝ աճող համավարակի պայմաններում հակավիրուսային միջոցառումներ պլանավորելու եւ իրականացնելու հարցում անգործունակության, անպատասխանատվության եւ պասիվության համար, հայտնում է ՑՏԱԿ-ը:
Նա նշել է, որ «պետական կարեւոր գործերի համար պատասխանատու բարձրաստիճան պաշտոնյաները անտեսել են համավարակը կանխելու երկարատեւ պետական արշավի համար անհրաժեշտ կազմակերպչական, ինստիտուցիոնալ, նյութական, գիտական եւ տեխնոլոգիական միջոցառումների ընդունման վերաբերյալ կուսակցական կարեւոր որոշումների իրականացումը»: Սա «հանգեցրել է պետության եւ ժողովրդի անվտանգության ապահովման մեծ ճգնաժամի եւ ծանր հետեւանքների»:
Հաղորդագրության մեջ նաեւ ասվում է, որ կուսակցությունը հետ է կանչել Քաղբյուրոյի՝ Կիմից եւ չորս այլ բարձրաստիճան պաշտոնյաներից կազմված նախագահության ազդեցիկ անդամին, որի անունը չի նշվում: