Սուդանը համաձայն է հանձնել ռազմական հանցագործություններում մեղադրյալներին Միջազգային քրեական դատարանին

Սուդանը հայտարարում է, որ կփոխանցի Միջազգային քրեական դատարանին նախկին պաշտոնյաներին, որոնք հետախուզվում են Դարֆուր շրջանում ենթադրյալ ռազմական հանցագործությունների համար, հաղորդում է BBC News-ը:

Դեռեւս հանձնած անձանց անունները գաղտնի են պահվում: Երկրի ղեկավարներն արդեն խոստացել են հանձնել նախկին նախագահ Օմար ալ Բաշիրին, որը գտնվել է իշխանության ղեկին հակամարտության ժամանակ, սակայն նա ազատության մեջ է գտնվում:

Դարֆուրում պատերազմը առաջացրել է ամենածանր հումանիտար ճգնաժամերից մեկն աշխարհում վերջին տարիներին:

2003 թվականին մեկնարկած ապստամբների եւ կառավարական ուժերի միջեւ հակամարտության ընթացքում սպանվել է առնվազն 300 000 մարդ: Միլիոնավոր մարդիկ ստիպված էին լքել իրենց տները եւ տեղակայվել տեղահանված անձանց համար ճամբարներում:

Սուդանի որոշումը կայացվել էր մի քանի շաբաթ անց, երբ ՄՔԴ-ի հեռացող գլխավոր դատախազ Ֆաթու Բենսուդան այցելել էր երկիր եւ կոչ արել դրա առաջնորդներին հանձնել բոլոր հետախուզվողներին՝ ներառյալ 77-ամյա Բաշիրին: