Կոլումբիայի նախագահին տեղափոխող ուղղաթիռը հարձակման է ենթարկվել
Կոլումբիայի նախագահ Իվան Դուկեն ասել է, որ իրեն ու մի քանի բարձրաստիճան պաշտոնյայի տեղափոխող ուղղաթիռը հարձակման է ենթարկվել Վենեսուելային սահմանակից հարավային Կատատամբո շրջանում: Սա նախագահական ուղղաթիռի վրա հարձակման հազվադեպ դեպք է, գրում է Associated Press-ը:
Դուկեն ասել է, որ ուղղաթիռում գտնվող բոլոր մարդիկ անվտանգ են, այդ թվում` ինքը, պաշտպանության նախարար Դիեգո Մոլանոն, ներքին գործերի նախարար Դանիել Պալասիոսը եւ Հյուսիսային Սանտանդեր նահանգի նահանգապետ Սիլվանո Սերանոն: Նա հայտնել է, որ ուղղաթիռի սարքավորումներն ու հնարավորությունները «կանխել են մահվան ելքը»: Նախագահի կողմից հրապարակված տեսանյութում Կոլումբիայի ռազմաօդային ուժերի ուղղաթիռի վրա փամփուշտի մի քանի անցք է երեւում:
Կոլումբիայի նախագահը չի նշել հարձակման ժամանակը կամ թե ով է, իր կարծիքով, իրականացրել այն, բայց հայտնի է, որ գործել է մի քանի զինված խմբավորում:
Դուկեն հայտարարել է, որ «վախկոտ» հարձակումն իրեն չի ստիպի դադարեցնել թմրանյութերի ապօրինի շրջանառության, ահաբեկչության եւ կազմակերպված հանցավորության դեմ պայքարը:
Կուկուտայում, դեպի ուր ուղեւորվում էր ուղղաթիռը, արդեն ահազանգ էր հայտարարվել այն բանից հետո, երբ հունիսի 14-ին ռազմաբազայում ականապատ ավտոմեքենա էր պայթել, որի արդյունքում վիրավորվել էր 36 մարդ՝ ինչպես զինվորականներ, այնպես էլ քաղաքացիական անձինք:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...