Բրիթնի Սփիրսը դատարանում բարձրագոչ ելույթից հետո դիմել է երկրպագուներին
Բրիթնի Սփիրսը երկրպագուների հետ կապի մեջ է մտել այն բանից հետո, երբ դատարանում շոկային ցուցմունքներ է տվել իր նկատմամբ հարկադիր խնամքի գործով: Փոփ-աստղը երկրպագուներին պատմել է, որ որոշել է ազատվել շուրջօրյա հսկողությունից այն բանից հետո, երբ սոցիալական ցանցերում մարդիկ նրան աջակցել են: Բրիթնին նաեւ ներողություն է խնդրել երկրպագուներից, որոնք առաջին տարին չէ, որ պայքարում են իր իրավունքների համար եւ նպաստում են #FreeBritney շարժմանը, որ ոչինչ չի ասել եւ ձեւացրել է, թե ամեն ինչ լավ է:
«Ես ուզում եմ, որ մարդիկ չմտածեն, թե իմ կյանքն իդեալական է։ Եվ, եթե դուք այս շաբաթ իմ մասին ինչ-որ բան եք կարդացել, ապա ակնհայտորեն գիտեք, որ դա այդպես չէ։ Ես ներողություն եմ խնդրում, որ երկու տարիների ընթացքում ձեւացրել եմ իբրեւ ամեն ինչ լավ է։ Դա արել եմ իմ հպարտության պատճառով, ես անհարմար էի զգում պատմել՝ ինչ է կատարվում ինձ հետ։ Բայց, անկեղծ ասած, դա օգնեց։ Instagram-ն օգնեց զգալ, որ ես ինչ-որ մեկի համար կարեւոր եմ, չնայած այն ամենի, ինչ տեղի էր ունենում», - ասել է Բրիթնի Սփիրսը: