Մաքսիմի մենեջերը պատմել է երգչուհու վիճակի մասին մեկ շաբաթ արհեստական կոմայում գտնվելուց հետո
Փոփ երգչուհի Մաքսիմի մեջեները լրագրողներին պատմել է աստղի վիճակի մասին, որը մեկ շաբաթ գտնվել է կոմայում։
«Էական փոփոխություններ չեն եղել, սակայն վիճակը կայուն է։ Թոքերի արհեստական օդափոխության սարքի հետ կապված կանխատեսումներ առայժմ չկան, դրա համար պետք է լավացում լինի»,- «ՌԻԱ Նովոստի»-ին հայտնել է նա։
Նախորդ շաբաթվա կեսերին Մաքսիմը (իսկական անունը՝ Մարինա Մաքսիմովա) հետեւորդներին հայտնել է, որ հայտնվել է հիվանդանոցում, ախտահարված է թոքերի 40 տոկոսը, սակայն կորոնավիրուսի թեստի արդյունքը բացասական է։
Արդեն երեք օր անց՝ հունիսի 19-ին, հայտնի է դարձել, որ երգչուհուն միացրել են թոքերի արհեստական օդափոխության սարքին եւ գցել արհեստական կոմայի մեջ։ Բժիշկները նման որոշում են կայացրել թոքերի վիճակը լավացնելու եւ թթվածնային քաղցը կանխելու նպատակով։ Սպասվում էր, որ Մաքսիմը կոմայի վիճակում կլինի երեք-չորս օր։