Պետությունը պարտավոր է հոգալ Քարվաճառում տուն կորցրածների խնդիրների մասին. Ռոբերտ Քոչարյան

Պետությունը պարտավոր է հոգալ Քրվաճառում տուն կորցրածների խնդիրների մասին։ Այս մասին հայտարարեց Հայաստանի երկրորդ նախագահ, «Հայաստան» դաշինքի առաջնորդ, ՀՀ վարչապետի թեկնածու Ռոբերտ Քոչարյանը Արթիկի բնակիչների հետ հանդիպման ժամանակ՝ պատասխանելով Քարվաճառից փախստականի հարցին։

«Պետությունը կազմակերպեց բնակեցումը եւ ինքն էլ հանձնեց շրջանը։ Ձեր հարցերի լուծումը պետք է պետությունը վերցնի իր վրա։ Պետությունը չի կարող ասել, թե կապ չունի խնդրի հետ։ Պետությունը, համենայնդեպս՝ նրա առաջին դեմքը, ստորագրել է այդ փաստաթուղթն ու հանձնել թշնամուն։ Իշխանությունն ընդունելուց հետո մենք չենք կարող ասել, թե մենք չենք ստորագրել, մենք կապ չունենք։ Մենք կհոգանք ձեր խնդիրների լուծման մասին»,-խոստացավ երկրորդ նախագահը։