Քոչարյան. Հայաստանն ունի հզորություններ` էլեկտրաէներգիա արտահանելու համար
Այսօրվա Հայաստանի խնդիրների մի զգալի մասը գալիս է իշխանությունների նկատմամբ անհարգալից վերաբերմունքից մինչեւ մասնագիտական գիտելիքներ: Այս մասին Մեծամորի բնակիչների հետ հանդիպմանն ասաց ՀՀ երկրորդ նախագահ, «Հայաստան» դաշինքի առաջնորդ, ՀՀ վարչապետի թեկնածու Ռոբերտ Քոչարյանը:
«Էներգետիկայի ոլորտը պատմաբան է ղեկավարում: Առողջապահության նախարարությունը` փաստաբան: Գյուղնախարարությունը լուծարվել է»,- ասաց նախկին նախագահը:
«Մարդիկ երեւի լավ չեն հիշում 1998-ին գազի եւ էլեկտրաէներգիայի կուտակված պարտքերի հետ կապված ամոթալի իրավիճակը: Մենք մեկուկես տարվա ընթացքում ամբողջ էներգահամակարգն առողջ վիճակի բերեցինք: Մեր ծրագիրը. մենք կարող ենք տարածաշրջանում էլեկտրաէներգիայի արտադրության հարթակ դառնալ: Մենք ունենք լրացուցիչ կարողություններ: Դրանք գերազանցում են հանրապետության կարիքները: Մեր էներգետիկ հզորությունները, թերեւս` մինչ վերջերս, բեռնված էին 50 տոկոսով: Հրազդանի կայանի հինգերորդ էներգաբլոկում ավելցուկ կա: Այն ընդհանրապես չի օգտագործվում ամբողջ հզորությամբ, քանի որ Իրան երրորդ էլեկտրահաղորդման գիծը, որը պետք է վաղուց կառուցված լիներ, դեռ կառուցված չէ: Ենթակառուցվածքները տնտեսության ողնաշարն են: Ներդրողները հիմնականում հետաքրքրված են էլեկտրաէներգիայի կայուն մատակարարմամբ, սակագներով եւ սակագների կանխատեսելիությամբ»,- շեշտեց Քոչարյանը:
Երկրորդ նախագահը հիշեցրեց, որ երբ ինքը պետության ղեկավարն էր, ոլորտում բարեփոխումներ էին իրականացվում, մարդիկ գալիս էին Հայաստան` մեր փորձ ըփոխառելու համար: «Եթե այսօր մենք ունենք գործող էներգետիկ համակարգ, դա հենց այդ բարեփոխումների շնորհիվ է»,- եզրափակեց Քոչարյանը:
Հայկական ֆուտբոլում հասունանում է իրավական նոր սկանդալ
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Առաջին անգամ Հայաստանում՝ «Համերգ տոտալ մթության մեջ»
Կուբարսին ճանաչվեց մրցաշարի լավագույն պաշտպան
Մոսկվան ենթարկվել է վերջին երկու տարվա մեջ ամենախոշոր հարվածին
Մ-20 ԱԱ. Յուրիկ Պետրոսյանը՝ հունահռոմեական ոճի ըմբշամարտի աշխարհի առաջնության արծաթե մեդալակիր
Նազիկ Ամիրյանի վարձակալության իրավունքն է դադարեցվել Սևանա լճի ափամերձ հողամասի նկատմամբ
Լեհաստանը ՄիԳ-29 կործանիչները փոխարինում է ուկրաինական ԱԹՍ-ներով
Մոսկվան մերժել է Սև ծովում հարվածները փոխադարձաբար դադարեցնելու առաջարկը, որը փոխանցել է Թուրքիան
Թբիլիսիում քանդում են Սաակաշվիլու կառավարման տարիներին կառուցված «Ռիկեի կուժերը»