ԱՄՆ-ն պետք է սկսի ամբողջովին չեղարկել պատժամիջոցները. ՄԱԿ-ում Չինաստանի մշտական ներկայացուցիչ
ԱՄՆ-ն պետք է դադարի տատանվել եւ վճռորոշ կերպով սկսի չեղարկել պատժամիջոցները: Այդ մասին հայտարարել է ՄԱԿ-ում եւ ուրիշ միջազգային կազմակերպություններում ՉԺՀ մշտական ներկայացուցիչ Վան Ցյունը Վիեննայում կայացած բանակցությունների նոր փուլի ժամանակ, որը միտված է իրանյան միջուկային ծրագրի վերականգնմանը, հաղորդում է Սինխուա-ն:
Նրա խոսքով՝ բանակցությունների 11-րդ շաբաթն է ընթացնում եւ վերջնական փուլը, սակայն պատժամիջոցները չեղարկելու մասին քննարկումները ձգձգվել են եւ ժամանակ են պահանջում: «Այդ հարցով Իրանի մտահոգությունն օրինական է եւ հիմնավոր»,-ասել է նա՝ նշելով, որ ՀՀԳԾ-ն լիարժեք պահպանելու համար ԱՄՆ-ն նախ պետք է չեղարկի Իրանի դեմ միակողմանի պատժամիջոցները՝ ներառյալ սահմանափակող միջոցները, որոնք ուղղված են երրորդ երկրների իրավաբանական եւ ֆիզիկական անձանց դեմ: Իրանի նկատմամբ զենքի էմբարգոն, որը հակասում է միջուկային գործարքին եւ ՄԱԿ-ի ԱԽ համապատասխան բանաձեւերին, նույնպես պետք է ամբողջովին չեղարկվի, ասել է չինացի դիվանագետը:
Նրա խոսքով՝ Միացյալ Նահանգները որոշ պատժամիջոցներ են չեղարկել հինգշաբթի, սակայն դա այնպիսի տպավորություն է թողնում, որ նրանք «տատանվում» են: Այժմ, երբ ԱՄՆ-ն ընդունել է ՀՀԳԾ վերադառնալու մասին քաղաքական որոշում, բոլոր համապատասխան պատժամիջոցները պետք է չեղարկվեն ամբողջովին թափանցիկ եւ մանրակրկիտ կերպով, հավելել է նա: Բանակցությունների ընթացքում պետք է ընդունվեն գործնական եւ արդյունավետ միջոցներ, որպեսզի թույլ չտրվի կամայական մոտեցում ՀՀԳԾ համապատասխան կողմերից եւ պատժամիջոցների կրկնակի սահմանում, նշել է չինացի դիվանագետը:
ԵՄ ներկայացուցիչ Ալեն Մաթոնը հայտնել է լրագրողներին, որ ԵՄ-ն կշարունակի բանակցությունները միջուկային գործարքի բոլոր մասնակիցների եւ առանձին ԱՄՆ-ի հետ, որպեսզի գտնի առաջիկա օրերին վերջնական համաձայնությանը մոտենալու ձեւեր: «Մենք ձգտում ենք առաջընթաց գրանցել, սակայն ինտենսիվ բանակցություններ են ընթանում մի շարք հարցերի, այդ թվում՝ քայլերն իրականացնելու շուրջ»,-նշել է նա:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները