Պեկինը ԱՄՆ-ին եւ Ռուսաստանին կոչ է արել կրճատել իրենց միջուկային զինանոցները
Չինաստանի արտգործնախարար Վան Ին ԱՄՆ-ին եւ Ռուսաստանին կոչ է արել կրճատել իրենց միջուկային զինանոցները` Ժնեւում ԱՄՆ նախագահ Ջո Բայդենի եւ ՌԴ նախագահ Վլադիմիր Պուտինի հանդիպումից օրեր առաջ:
Ելույթ ունենալով ՄԱԿ-ի աջակցությամբ Զինաթափման համաժողովում, Չինաստանի արտգործնախարարը նշել է, որ Միացյալ Նահանգների կողմից միակողմանի ահաբեկող գործողությունները Իրանի միջուկային խնդրի հիմնական պատճառն են:
Քանի որ Իրանի եւ ԱՄՆ-ի միջեւ Վիեննայում միջուկային բանակցությունները «վերջին փուլում» են, համաձայնագրի կողմերը պետք է կրկնապատկեն իրենց դիվանագիտական ջանքերը «ԳՀՀԾ-ն վերադարձնելու համար»:
Զինաթափման հարցերով ԱՄՆ դեսպան Ռոբերտ Վուդը Չինաստանին կոչ է արել մասնակցել ռիսկերի նվազեցման եւ ռազմավարական կայունության վերաբերյալ բանակցություններին՝ ասելով, թե ափսոսում է, որ ԱՄՆ-ի ջանքերը «մերժվեցին»: