Լեռնային Ղարաբաղի կարգավիճակի հարցը պետք է համակարգված լինի ԵԱՀԿ Մինսկի խմբի համանախագահների մասնակցությամբ. Լավրով
Լեռնային Ղարաբաղի կարգավիճակի հարցը պետք է համաձայնեցվի ԵԱՀԿ Մինսկի խմբի համանախագահների (Ռուսաստան, ԱՄՆ, Ֆրանսիա) մասնակցությամբ, բայց այժմ անհրաժեշտ է կենտրոնանալ ոչ թե այդ հարցի վրա, այլ տարածաշրջանում խաղաղ կյանքի վերադարձի վրա: Այս մասին ասել է Ռուսաստանի ԱԳՆ նախարար Սերգեյ Լավրովը, հայտնում է ՏԱՍՍ-ը:
«Ես հասկանում եմ, որ այժմ շատերը խոսում են այն մասին, որ Լեռնային Ղարաբաղի կարգավիճակի հարցը այդպես էլ լուծում չի ստացել: Այս հարցը պետք է վերջնականապես համաձայնեցվի ԵԱՀԿ Մինսկի խմբի համանախագահների մասնակցությամբ, որոնք այս փուլում, հավանաբար, չպետք է բարձրացնեն կարգավիճակի խնդիրը, այլ նպաստեն վստահության միջավայրի ամրապնդմանը, հումանիստական խնդիրների լուծմանը, որպեսզի հայերն ու ադրբեջանցիները կրկին միասին ապրեն անվտանգ եւ տնտեսական բարեկեցության պայմաններում: Եվ, հավաստիացնում եմ ձեզ, մի երկու-երեք տարի հետո, կարգավիճակի հետ կապված բոլոր խնդիրները կլուծվեն շատ ավելի հեշտ», - շեշտեց նա:
Ռուսաստանի արտգործնախարարը նաեւ նկատել է, որ հակամարտության մեջ ներգրավված երկրների և հարևան պետությունների հայտարարությունները հաճախ պայմանավորված են հույզերով: «Մենք կոչ ենք անում բոլոր նրանց, ովքեր ներգրավված են այս իրավիճակում, օգնել հանգստանալ և նորմալ կյանք հաստատել այն մարդկանց համար, որոնք բնակվում են այդ հողում», - շեշտեց Լավրովը: Նա հավելել է, որ Ռուսաստանը ակտիվորեն ներգրավված է այս պրոցեսում խաղաղապահների եւ Արտակարգ իրավիճակների նախարարության միջոցով:
Նա ավելացրել է, որ տարածաշրջանային հաղորդակցությունների ապաշրջափակման վերաբերյալ եռակողմ աշխատանքային խմբի գործունեությունը նույնպես նվիրված է այս խնդրին:
«Եռակողմ աշխատանքային խմբի գործունեության արդյունավետությունը որոշվելու է հիմնականում նրանով, թե որքանով այդ ապաշրջափակումը ուղղակիորեն կօգնի բարելավել մարդկանց կյանքը», - ասաց Լավրովը: «Այս եռակողմ քննարկումներում թե՛ Թուրքիայի, թե՛ Իրանի շահերը միանշանակ հաշվի է առնվում, հակառակ դեպքում այս ամբողջ ապաշրջափակումն առավելագույն ազդեցություն չի ունենա »:
Լավրովը նաև նշել է, որ ռուս-թուրքական դիտորդական կենտրոնի գործունեությունը Լեռնային Ղարաբաղում հրադադարի ռեժիմի վերաբերյալ շատ օգտակար և կայունացնող գործոն է:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները