Արեւմտյան ԶԼՄ-ների կայքերի աշխատանքում մասշտաբային խաթարում է տեղի ունեցել
Արեւմտյան մի շարք լրատվամիջոցների եւ ծառայությունների էջեր, մասնավորապես` բրիտանական, երեքշաբթի չեն բացվում: Դրանցից որոշների խափանման մեջ կարելի է համոզվել նաեւ հիմ, հայտնում է ՏԱՍՍ-ը:
Մասնավորապես, հասանելի չէ Մեծ Բրիտանիայի կառավարության կայքը: Որոշ ժամանակ չէր բացվում Financial Times թերթի կայքը: Guardian-ը Twitter-ի իր էջին գրել է, որ կայքը եւ հավելվածը ներկայումս չեն գործում ինտերնետի զանգվածային խափանման պատճառով:
Ըստ Downdetector պորտալի` խափանումներ են տեղի ունեցել նաեւ The New York Times-ի էլեկտրոնային տարբերակի աշխատանքում: Խնդիրներ են նկատվում նաեւ Amazon-ի PayPal գլոբալ առցանց վճարման համակարգի աշխատանքում:
Խափանումն ազդել է դանիական TV2 հեռուստաընկերության կայքի վրա: Այն այցելել փորձելիս օգտվողը սխալի մասին հաղորդագրություն է ստանում:
Associated Press-ը որպես միջադեպի հավանական պատճառ նշեց Fastly ամերիկյան ծառայություն մատուցող ընկերության Fastly-ի խափանումը: Այս մասին հայտնում է Associated Press-ը Twitter-ի իր էջին:
«Մենք ներկայումս ուսումնասիրում ենք հնարավոր խնդիրները մեր CDN ծառայությունների հետ»,- ասվում է Fastly կայքում տեղադրված գրառման մեջ: Ավելի ուշ ընկերությունը հավելել էր, որ «խնդիրը հայտնաբերվել է եւ ներկայումս լուծվում է»:
Ավելի ուշ հայտնի դարձավ, որ Fastly-ի հետ կապված խնդիրները շտկվել են: «Խնդիրը շտկվել եւ լուծվել է»,- ասված է ընկերության հայտարարության մեջ: Նրանք նախազգուշացրել են, որ վերականգնումից հետո ցանցում կարող է ծանրաբեռնվածություն գրանցվել: