Կիեւը խոստացել է «ցավեցնել» Լուկաշենկոյին, եթե նա ԼԺՀ քննիչներին թողնի Մինսկ մտնել

Ուկրաինայի արտաքին գործերի նախարար Դմիտրի Կուլեբան խոստացել է, որ Կիեւը «կցավեցնի» Բելառուսի նախագահ Ալեքսանդր Լուկաշենկոյին, եթե նա թույլ տա ինքնահռչակ ԼԺՀ-ի քննիչներին երկիր մուտք գործել` Բելառուսում ծայրահեղական ճանաչված NEXTA տելեգրամ ալիքի հիմնադիր Ռոման Պրոտասեւիչի հետ քննչական գործողություններ իրականացնելու համար: Այս մասին նա պատմել է «1+1» հեռուստաալիքի եթերում:

Մայիսի 27-ին ԼԺՀ-ի գլխավոր դատախազությունը քրեական գործ է հարուցել Պրոտասեւիչի դեմ` Կիեւի կողմից Դոնբասի մարտերին մասնակցելու համար: Դատախազությունը խնդրել է Բելառուսին տրամադրել նրան քննչական փորձարկման համար: Դրանից հետո Լուկաշենկոն ինքնահռչակ Լուգանսկի ժողովրդական հանրապետության ներկայացուցիչներին հրավիրել էր այցելել Պրոտասեւիչին:

«Ալեքսանդր Լուկաշենկոյի համար ցավոտ կլինի: Մենք ունենք բավարար գործիքներ՝ Ուկրաինային տարածքային ամբողջականությունը չհարգող մարդկանց եւ երկրներին ցավեցնելու համար: Հատկապես, երբ խոսքը վերաբերում է Բելառուսին, որի հետ մենք շատ կապեր ունենք, այդ թվում` տնտեսական... »,- ասել է նա:

Բացի այդ, նախարարը շեշտել է, որ կան բաներ, որոնք Ուկրաինան չի ներում:

«Մենք շատ զգույշ կգործենք, քանի որ ոչ մի քաղաքական կամ տնտեսական պատերազմ չենք ցանկանում Բելառուսի հետ»,- ասել է Կուլեբան:
Նրա խոսքով՝ Լուկաշենկան իր գործողություններով դրդում է Ուկրաինային, որպեսզի այն արձագանքի:

Մայիսի 3-ին Աթենքից Վիլնյուս մեկնող իռլանդական Ryanair ավիաընկերության ինքնաթիռն արտակարգ վայրէջք էր կատարել Մինսկում: NEXTA Telegram ալիքի հիմնադիր Ռոման Պրոտասեւիչը, ով ինքնաթիռում էր, բերման էր ենթարկվել Բելառուսի իրավապահ մարմինների կողմից: Ձերբակալվել էր նաեւ նրա ընկերուհին՝ ազգությամբ ռուս Սոֆյա Սապեգան: Ավելի ուշ նա երկու ամսով ձերբակալվեց Բելառուսում:

Բելառուսում Պրոտասեւիչը մեղադրվում է մի քանի հոդվածներով, այդ թվում՝ զանգվածային անկարգություններ կազմակերպման մեջ: NEXTA տոլոգրամ ալիքը Բելառուսի իշխանությունների կողմից հծայրահեղական է ճանաչվել: