«Դոմ 2»-ի աստղը հայտարարել է, որ Դավիթ Մանուկյանին չի բավականացնում փորձը՝ որպես նախագծի հաղորդավար

«Դոմ 2» հեռուստանախագծի մասնակից Ալյոնա Ռապունցելը, պատասխանելով Instagram-յան էջում հետեւորդների հարցերին, կարծիք է հայտնել նախագծի նոր հաղորդավար Դավիթ Մանուկյանի մասին։ Նա կարծում է, որ նոր հաղորդավարին չի բավականացնում փորձը։

Պատասխանելով «ի՞նչ կարծիքի եք Դավայի մասին» հարցին՝ Ալյոնա Ռապունցելը նշել է․ «Լսեք։ «Դոմ 2»-ը վարելու, հաղորդավարների առումով փորձն, իհարկե, չի բավականացնում։ Այդ պատճառով կարծում եմ՝ TikTok «տանը» նա շատ ավելի լավն էր»։

Դավան SuperHouse-ը բացել է նախորդ ամռանը։ Բլոգերների համար նախատեսված հարթակը գտնվում է Մոսկվայի մարզում։ «Ես դարձա TikTok-ի հայրը»,- մեկնաբանել էր Մանուկյանը։ Նախագիծը, որի շրջանակներում երիտասարդները կարճ տեսանյութեր են նկարահանում, մինչ այժմ գործում է։ Էջի թարմացումներին հետեւում է 4,5 միլիոն օգտատեր։

Դավան որպես «Դոմ 2»-ի հաղորդավար սկսել է աշխատել 2021թ․-ի մայիսի վերջին։ Այդ իրադարձության նախօրերին շոուն լքել է հաղորդման նախկին վարող, Դավայի նախկին սիրելի Օլգա Բուզովան։ Աստղը հեռուստանախագծում ավելի քան 16 տարի է անցկացրել։ Նա հեռացել է ապրիլի 19-ից հետո, երբ սկսվել է «Դոմ 2»-ի վերաթողարկված տարբերակը, եւ այն «ТНТ»-ի փոխարեն սկսել է հեռարձակվել «Ю» հեռուստաալիքով։