Վանեցյանն առաջինն ընդվզեց եւ եթե նրա նման 7-8 հոգի ասեին՝ կանգ առ, այսօր նման ողբերգական վիճակի մեջ չէինք հայտնվի. Սերժ Սարգսյան

«Ես Վանեցյանին անձամբ չեմ ճանաչել մինչև 6-7 ամիս առաջ: Բայց հեռակա կարգով ծանոթ եմ նրա կենսագրությանն ու գործողություններին»,- այս մասին «Պատիվ ունեմ» դաշինքի համակիրների հետ հանդիպման ժամանակ հայտարարել է ՀՀ երրորդ նախագահ Սերժ Սարգսյանը:

«Որպես դաշնակից չէ, որ գովում եմ նրան, անկեղծորեն ասում եմ, որ շատ սուր միջոցառումներում օպերաշխատող Վանեցյանը, բաժնի պետ Վանեցյանը իրեն դրսևորել է տղամարդու պես:

Իսկ ինչո՞ւ չպետք է Վանեցյանի հետ կոալիցիա կազմեինք: Որովհետև նա աշխատե՞լ է այս կապիտուլյանտի հետ: Իմ կարծիքով Վանեցյանն ինչպես և շատերը ցանկացել է փոփոխություններ այս երկրում, շատերի պես ինքն էլ է խաբված եղել: Սակայն մեկ տարուց ավել աշխատեց, հասկացավ, որ բոլորովին այլ միջավայր է ընկել և առաջինն ընդվզեց: Ես կարծում եմ, որ դա արժանիք է: Մարդը հասկացել է և հրապարակավ ասել. «Կանգ առ»:

Եվ եթե մի 6-7 հոգի նրա պես անեին, մենք այսօր այս վիճակին չէինք լինի», -ասել է Սերժ Սարգսյանը:

Մանրամասները՝ տեսանյութում