Եգիպտոսում ԱՄՆ-ն ունի իրական եւ արդյունավետ գործընկեր. Բլինքեն
ԱՄՆ պետքարտուղար Էնթոնի Բլինքենը հանդիպել է Եգիպտոսի բարձր մակարդակի պաշտոնատար անձանց Կահիրեում մերձարեւելյան շրջագայության շրջանակում, որն ուղղված է Իսրայելի եւ ՀԱՄԱՍ-ի միջեւ հրադադարի ռեժիմի ամրապնդմանը, հաղորդում է Reuters-ը:
Եգիպտոսը վաղեմի հարաբերություններ ունի հակամարտության երկու կողմերի հետ եւ առանցքային դեր է խաղացել Գազայում հրադադարի ապահովման հարցում Միացյալ Նահանգների համակարգմամբ:
Կարճատեւ այցի ժամանակ Բլինքենը հանդիպել է նախագահ Աբդել Ֆաթահ աս Սիսիի, արտաքին գործերի նախարար Սամեխ Շուքրիի եւ հետախուզության ղեկավար Աբաս Քամելի հետ:
Նրա խոսքով՝ Միացյալ Նահանգներն ու Եգիպտոսն աշխատում են համատեղ, որպեսզի հնարավորություն ընձեռեն իսրայելցիներին եւ պաղեստինցիներին ապրել անվտանգության մեջ: «Եւ մենք Եգիպտոսում ունենք իրական եւ արդյունավետ գործընկեր բռնության դեմ պայքարում: Եւ այժմ սերտորեն համագործակցելով՝ մենք ստեղծում ենք դրական ինչ-որ բան»,-ասել է նա:
Բիլնքենը ժամանել է Եգիպտոս Երուսաղեմում եւ Ռամալլահում այցերից հետո եւ պետք է այցելի նաեւ Երուսաղեմ: Երեքշաբթի նա խոստացել է, որ Միացյալ Նահանգները օգնություն կցուցաբերեն Գազայի հատվածը վերականգնելու համար, այդ թվում՝ 5,5 միլիոն դոլար կհատկացնեն տարերային աղետների դեպքում եւ շուրջ 33 միլիոն դոլար ՄԱԿ-ի պաղեստինյան գործակալությանը օգնություն տրամադրելու համար:
Եգիպտոսը, որը սահմանամերձ է Գազային եւ կապեր է պահպանում ՀԱՄԱՍ-ի հետ անվտանգություն ոլորտում, ամենայն հավանականությամբ, որոշակի դերակատարում կունենա օգնությունն ուղղելու հարցում, ավելի վաղ հայտարարել է ԱՄՆ պետդեպարտամենտի բարձրաստիճան պաշտոնյան:
Մարտական գործողությունների ժամանակ Եգիպտոսը բացել էր Ռաֆախ սահմանամերձ անցակետը Գազայի եւ Սինայան թերակղզու միջեւ վիրավորներին բժշկական օգնություն ցուցաբերելու եւ տարհանման համար:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները