Ոսկու գինը պահպանվում է 1900 դոլարից բարձր մակարդակում

Չորեքշաբթի առավոտյան ոսկու գինը գնաճային մտավախությունների թուլացման պատճառով պահպանվում է մեկ ունցիայի դիմաց 1900 դոլարից բարձր մակարդակում, ինչը խանգարում է դոլարին եւ ԱՄՆ պետական ​​պարտատոմսերի եկամտաբերությանը, վկայում են աճուրդների տվյալները, փոխանցում է «Փրայմ»-ը:

Երեքշաբթի Նյու Յորքի Comex բորսայում ոսկու հունիսյան ֆյուչերսները թանկացել են 0.48 տոկոսով կամ 9.2 դոլարով՝ մեկ տրոյական ունցիայի դիմաց հասնելով 1907.2 դոլարի, երեքշաբթի ոսկին հունվարի 8-ից հետո առաջին անգամ վաճառվում է 1900 դոլարից բարձր գնով: Արծաթի հուլիսյան ֆյուչերսների գինն աճել է 0.88 տոկոսով եւ կազմել 28.302 դոլար մեկ ունցիայի դիմաց:

Ոսկու ապրապնդումը կապված է Դաշնային պահուստային համակարգի կողմից ցուցումների հետ այն մասին, որ գնաճային ճնշումը, հավանաբար, ժամանակավոր կլինի, ինչը մեղմացրել է ներդրողների մտավախությունները դրամավարկային քաղաքականության խստացման կապակցությամբ, կարծում են ANZ բանկի վերլուծաբանները, ում կարծիքը մեջբերում է Wall Street Journal-ը: