Ինչ ճակատագրի արժանացան նախկին իմքայլականները
ՀՀ Կենտրոնական ընտրական հանձնաժողովն այսօր պետք է վերջնականապես ստանա բոլոր կուսակցությունների նախընտրական ցուցակները: Այսինքն՝ արդեն բոլորը կողմնորոշվել են, եւ պարզ է, թե ով ում հետ է գնալու ընտրությունների: Այս իրավիճակում հետաքրքիր է ԱԺ «Իմ քայլը» խմբակցությունից դուրս եկած պատգամավորների ապագան: Հիշեցնենք, որ Վարդան Աթաբեկյանը, Թագուհի Թովմասյանը, Գոռ Գեւորգյանը, Աննա Գրիգորյանն ու Սոֆյա Հովսեփյանը 2020թ․ 44-օրյա պատերազմից հետո սկզբունքային տարաձայնությունների պատճառով դուրս եկան խմբակցությունից եւ տեղավորվեցին ընդդիմադիր դաշտում:
Թեեւ Սոֆյա Հովսեփյանը, Գոռ Գեւորգյանն ու Վարդան Աթաբեկյանը հայտարարել են, որ քաղաքականությունից դուրս են գալիս եւ ոչ մի ցուցակ չեն մտնելու, բայց շարունակում են կոշտ քննադատության ենթարկել Նիկոլ Փաշինյանին եւ նրա վարած քաղաքականությունը: Թերեւս նրանք իշխանության մասին ներսից ավելին գիտեն, դրա համար կոշտ դիրքորոշումներ են հայտնում։ Իսկ մյուս երկու կանայք՝ Թագուհի Թովմասյանն ու Աննա Գրիգորյանը, քաղաքական կարիերան որոշել են շարունակել ընդդիմադիր ճամբարում: Աննա Գրիգորյանը «Հայաստան» դաշինքի առաջին տասնյակում է՝ չի բացառվում, որ առաջին կին թեկնածուն լինի: Իսկ Թագուհի Թովմասյանը «Պատիվ ունեմ» դաշինքի տասնյակում է՝ 6-րդ համարը:
Այսինքն՝ «Իմ քայլից» դուրս եկած պատգամավորները շարունակում են մնալ Նիկոլ Փաշինյանին ընդդիմություն. 3-ը՝ ԱԺ-ից դուրս, իսկ երկուսը, ամենայն հավանականությամբ, կրկին կհայտնվեն ԱԺ-ում:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս