Էջմիածին համայնքի ղեկավարը հնարավորություն չի ընձեռել «Հայաստան» դաշինքին իրականացնելու իր իրավունքները․ Արամ Վարդևանյան
«Հայաստան» դաշինքի նախընտրական կենտրոնական շտաբի պաշտոնական ներկայացուցիչ Արամ Վարդևանյանը հայտարարություն է տարածել․
Էջմիածին համայնքի ղեկավարը, ապօրինի կերպով խախտելով Ընտրական օրենսգիրք սահմանադրական օրենքի դրույթները և օգտագործելով վարչական ռեսուրսները, հնարավորություն չի ընձեռել «Հայաստան» դաշինքին իրականացնելու իր իրավունքները:
Մասնավորապես, սույն թվականի մայիսի 21-ին «Հայաստան» դաշինքի պաշտոնական ներկայացուցչի կողմից ներկայացվել է դիմում «Կոմիտասի անվան մշակույթի պալատ» ՀՈԱԿ-ի դահլիճը 24.05.2021թ-ի ժամը 18.00 դաշինքի շտաբերի պատասխանատուների, ակտիվի և համակիրների հետ հանդիպում իրականացնելու նպատակով տրամադրելու վերաբերյալ, որին ի պատասխան ներկայիս ժամանակավոր իշխանության կողմից առաջադրված և ընտրված համայնքի ղեկավարը, հիմք ընդունելով իբր այն հանգամանքը, որ նախընտրական քարոզչության ժամանակահատվածը դեռևս չի սկսվել, հրաժարվել է տրամադրել դահլիճը վճարովի հիմունքներով: Մինչդեռ դա ակնհայտ ապօրինի է: Հիմք ընդունելով Օրենսգրքի 19-րդ հոդվածի 2-րդ մասը, որի պայմաններում «Հայաստան» դաշինքը, անկախ քարոզչական ժամանակահատվածի սկսվելու հանգամանքից, ակնհայտ իրավունք ուներ վճարովի հիմունքներով իրականացնելու շտաբերի պատասխանատուների, ակտիվի, համակիրների հետ հանդիպում:
Վերոգրյալը փաստում է, որ Էջմիածին համայնքի ղեկավարը ապօրինաբար վարչական ռեսուրսի օգտագործմամբ փորձում է սահմանափակել «Հայաստան» դաշինքի գործունեությունը, ինչի պատճառով ստիպված էինք այլ վայրում կազմակերպել հավաքը:
Հրավիրում ենք Կենտրոնական ընտրական հանձնաժողովի և ԵԱՀԿ ԺՀՄԻԳ դիտորդական առաքելության ուշադրությունը նշված ակնհայտ իշխանական վարչական ռեսուրսի չարաշահմանը:


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
13-ամյա աղջիկը ընկել է դպրոցի պատուհանից
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս