Զելենսկիի կառավարությունը Ուկրաինայի եւ Բելառուսի միջեւ ավիահաղորդակցությունը դադարեցնելու որոշում է նախապատրաստում
Ուկրաինայի նախագահ Վլադիմիր Զելենսկին երկրի կառավարությանը հանձնարարել է որոշում նախապատրաստել Ուկրաինայի եւ Բելառուսի միջեւ ավիահաղորդակցությունը դադարեցնելու մասին միջադեպի պատճառով, որը տեղի է ունեցել կիրակի՝ մայիսի 23-ին: Այդ մասին ասվում է Ուկրաինայի նախագահի մամուլի ծառայության հաղորդագրության որոշման մեջ:
Աղբյուրի համաձայն՝ Զելենսկիի մոտ խորհրդակցության ընթացքում ներկաները վերլուծել են Ryanair ընկերության ուղեւորատար ինքնաթիռի շուրջ իրադարձությունները, որը մայիսի 23-ին հարկադիր վայրէջք է կատարել Մինսկի օդանավակայանում: «Հաշվի առնելով ստեղծված իրավիճակը՝ նախագահը հանձնարարել է կառավարությանը մշակել որոշում Ուկրաինայի եւ Բելառուսի Հանրապետության միջեւ ուղիղ ավիահաղորդակցությունը դադարեցնելու եւ Բելառուսի օդային տարածքը Ուկրաինայից եւ մեր երկրից թռիչքներ կատարելու համար փակելու մասին»,-նշված է հաղորդագրության մեջ: