Լլոյդ Օսթին. Միացյալ Նահանգները հայտնվել են ահաբեկչության սպառնալիքի եւ կիբերզենք կիրառման վտանգի առջեւ
ԱՄՆ-ն կանգնած է ահաբեկչության սպառնալիքի, կիբերզենքի օգտագործման եւ ներքին պառակտման խնդրի առջեւ: Այս մասին հայտարարել է ԱՄՆ պաշտպանության նախարար Լլոյդ Օսթինը՝ ելույթ ունենալով Ուեսթ Փոյնթում ԱՄՆ ռազմական ակադեմիայի ավարտական արարողության ժամանակ, փոխանցում է ՏԱՍՍ-ը:
Պենտագոնի ղեկավարն ընդգծել է, որ ԱՄՆ-ին մի շարք սպառնալիքներ են սպառնում՝ համավարակից մինչեւ ահաբեկչություն եւ կիբերզենք: Դիմելով ակադեմիայի շրջանավարտներին՝ նա նշել է, որ իրենք ականատես են դառնում, թե ինչպես են տեխնոլոգիաները փոխում պատերազմի բուն էությունը: «Դուք պառակտումներ եք տեսնում ձեր հայրենիքում, որը բախվել է համավարակի ծանր հետեւանքներին»,- շարունակել է Օսթինը` նաեւ շեշտելով, որ ԱՄՆ-ի մրցակիցները բարգավաճման են ձգտում, որը պայմանավորված է ոտնձգությամբ ամերիկացիների ազատության նկատմամբ: