Լիբանանի անվտանգության ուժերը կոչ են արել չօգտվել CallApp հավելվածից Իսրայելի հետ ունեցած կապի պատճառով
Լիբանանի անվտանգության ուժերը կոչ են արել երկրի բնակիչներին չօգտվել CallApp բջջային հավելվածից՝ «Իսրայելի հետ կապված կասկածելի գործունեության պատճառով», տեղեկացնում է MEM-ը։
«Հիմնականում իսրայելցի հակառակորդի ստեղծած կասկածելի հավելվածներին հետեւելու շրջանակում վերջերս կասկածներ են առաջացել CallApp անունը կրող հավելվածի հետ կապված»,- ասվում է Լիբանանի պետական անվտանգության գլխավոր վարչության հայտարարությունում։
Վարչությունը հորդորել է Լիբանանի քաղաքացիներին եւ բնակիչներին չօգտվել այդ հավելվածից՝ ավելացնելով, որ այն կարող է «վերահսկել եւ կառավարել սմարթֆոնների բոլոր տվյալները»։ «CallApp-ի վտանգավորությունն այն է, որ կարող է վերահսկել հեռախոսի բոլոր կոնտակտային տվյալները»,- ասվում է հայտարարությունում։