Պուտին. Ռուսաստանը կոշտ կպատասխանի իր տարածքի դեմ ոտնձգության փորձերին. մենք կփշրենք նրանց ատամները

Ռուսաստանը կոշտ կպատասխանի իր տարածքի դեմ ոտնձգության փորձերին, հայտարարել է նախագահ Վլադիմիր Պուտինը «Հաղթանակ» կազմկոմիտեի նիստում, հաղորդում է «ՌԻԱ Նովոստին»:

«Բոլորը փորձում են կծել մեզ կամ մեզանից կծելով ինչ-որ բան պոկել, բայց նրանք պետք է իմանան, որ մենք բոլորի ատամները կփշրենք, որպեսզի նրանք չկարողանան կծել, եւ դրա գրավականը զինված ուժերի զարգացումն է»,- ասել է նա:

Նրա խոսքով՝ հենց որ երկիրը ուժեղանում է, հակառակորդներն անմիջապես պատրվակ են գտնում, որպեսզի փորձեն սահմանափակել նրա զարգացումը:

«Ինչ էլ որ անենք, ինչքան էլ ձգտենք բավարարել նրանց ախորժակները, ովքեր փորձում են մեզ զսպել, զսպումը դեռ կշարունակվի, քանի որ մեր շատ հակառակորդներին, այսպես նրանց անվանենք, այնպիսի երկիր, ինչպիսին Ռուսաստանն է, պարզապես պետք չէ։ Բայց դա մեզ է պետք՝ ձեզ հետ միասին, եւ դա պետք է մեր մարդկանց՝ Ռուսաստանի Դաշնության քաղաքացիներին»,- ասել է Պուտինը:

Նա ընդգծել է, որ Ռուսաստանը չի գնում տնտեսությունը ռազմականացնելու ճանապարհով: Նախագահը հիշեցրել է, որ այս տարի պաշտպանության համար հատկացվել է երեք տրիլիոն ռուբլի կամ ընթացիկ փոխարժեքով 42 միլիարդ դոլար, մինչդեռ ԱՄՆ ռազմական ծախսերը, ինչպես նշել է նա, «ավելի քան 770 միլիարդ են» կազմում։

Այս թեմայով 1 տարում` շուրջ 10 միլիոն ռուբլի. Կրեմլը հրապարակել է Պուտինի եկամտի հայտարարագիրը Պուտինը պատմել է, թե ինչն է «դանդաղ ազդեցության ռումբ» եղել ԽՍՀՄ Սահմանադրության մեջ Պուտինը չի կարողանում հանգստի մեկնել Պուտինը կորոնավիրուսի տարածման ֆոնին հեռուստաուղերձ է հղել Ռուսաստանի բնակիչներին Մեծ Բրիտանիայում սկսվել է Պուտինի մասին սերիալի ցուցադրությունը