Չինաստան. ԱՄՆ ռազմանավն անօրինական կերպով ներխուժել է Հարավչինական ծովի տարածքային ջրեր
ԱՄՆ ռազմանավն անօրինական կերպով մուտք է գործել Չինաստանի տարածքային ջրեր Հարավչինական ծովում, հայտնել է ռազմական գործողությունների թատերաբեմի չինական ռազմական հրամանատարությունը, փոխանցում է Reuters-ը:
Աղբյուրի համաձայն՝ Curtis Wilbur նավն առանց թույլտվության մտել էր Պարասելյան կղզիների ջրեր: Չինական նավերն ու օդանավերը հետեւում էին ամերիկյան նավին:
Հայտարարության մեջ նշվում է, որ Չինաստանը դեմ է ԱՄՆ-ի գործողություններին, որոնք խախտում են դրա ինքնիշխանությունը եւ խաթարում տարածաշրջանային խաղաղությունն ու կայունությունը: