Սնուփ Դոգը սերիալ է նկարահանում ամենահիմար հանցագործների մասին
Ամերիկացի ռեփեր Սնուփ Դոգը սերիալ է նկարահանում ամենահիմար հանցագործների մասին, հայտնում է Deadline-ը։
Կատակերգու Քեւին Հարթն իր նոր նախագծի մասին հայտնել է NBCUniversal-ի շնորհանդեսի ընթացքում՝ Սնուփ Դոգին անվանելով «մարդ, միֆ եւ լեգենդ»։ Առայժմ սերիալի սյուժեն չեն բացահայտում, թողարկման օրը հայտնի չէ։
Սա Սնուփ Դոգի առաջին նախագիծը չէ, որի մասին հայտնել է Հարթը։ Նա հայտարարել է, որ ռեփերի հետ սպորտի մասին կատակերգական շոու կվարի։
Ավելի վաղ հայտնի է դարձել, որ Սնուփ Դոգն աշխատում է ինքնակենսագրական սերիալի վրա։ Ռեփերը չի ցանկանում շտապել անվանում ընտրելու հարցում եւ չի կարող նշել, թե երբ սպասել դրա թողարկմանը։