Թուրքիայի իշխող կուսակցությունը դատապարտել է Պետդեպարտամենտի մեղադրանքներն Էրդողանի հասցեին
Թուրքիայի իշխող Արդարություն եւ զարգացում կուսակցությունը (ԱԶԿ) չորեքշաբթի դատապարտել է ԱՄՆ Պետդեպարտամենտի կողմից Թուրքիայի նախագահ Ռեջեփ Թայիփ Էրդողանի հասցեցին ուղղված մեղադրանքները հակասեմական հայտարարությունների օգտագործման համար:
«Մենք խստորեն դատապարտում ենք ԱՄՆ Պետդեպարտամենտի հայտարարությունը մեր նախագահի վերաբերյալ: Մեր նախագահին հակասեմականության մեջ մեղադրելն անհիմն եւ սխալ մոտեցում է: Այն, ինչ ասվել է մեր նախագահի մասին, սուտ է,- ԱԶԿ մամուլի խոսնակ Օմեր Չելիքը գրել է Twitter-ի իր էջին:- Մեր նախագահը շատ կտրական կոչեր է արել հակասեմականության դեմ եւ շարունակում է դա անել: Նա հակասեմականությունն եւ իսլամաֆոբիան դնում է ատելության հիմքով հանցագործությունների առաջին տեղում, որոնց դեմ պետք է պայքարել»: